Qyzylorda oblysynyń ákimi Nurlybek Nálibaev Aeroǵarysh komiteti tóraǵasynyń orynbasary Erden Ibraev jáne "Infrakos" ShJQ RMK bas direktory Nazar Kóptileýovpen kezdesti, dep habarlaidy Dalanews.kz
Basqosýda «Báiterek» ǵaryshtyq zymyran kesheni qurylysynyń jai-kúii jáne týrizmdi damytý máseleleri talqylandy.
Byltyr Qyzylorda oblysyna jumys saparymen kelgen Úkimet basshysy Oljas Bektenov «Báiterek» kesheniniń qurylysymen tanysqan bolatyn. Aimaq basshysy kezdesýde jobany ýaqtyly iske asyrýdyń mańyzyn atap ótti.
«Báiterek» ǵaryshtyq zymyran kesheni — Qazaqstan men Reseidiń eń iri birlesken jobasy. Qurylysty aiaqtaý 2028 jyldyń mamyryna, al alǵashqy ushý synaqtary 2025 jyldyń aiaǵyna josparlanǵan. Keshenniń jylyna 6-8 zymyran ushyrýǵa múmkindigi bar. Joba «Baiqońyrdyń» belsendi jumysyn qamtamasyz etý, qala turǵyndaryn eńbekpen qamtý úshin asa qajet.
Týrizmdi damytý jáne «Baiqońyr» kesheniniń mádeni áleýetin paidalaný baǵytynda da jumys atqarylyp jatyr. Qazaqstan jaǵynan týristik qyzmetti «Báiterek» BK» AQ jáne «Infrakos» RMK júzege asyrady.
Qazirgi kúni qalaǵa jáne ǵarysh ailaǵyna elektrondy formatta ruqsat rásimdeý, «Baiqońyr» kesheniniń týristik nysyndaryna barýǵa ótinim usyný merzimin qysqartý múmkindigi qarastyrylyp jatyr.
