Turǵyn úidi saqtandyrý boiynsha mindetti jarnalar 1 myń teńgeden 20 myń teńge aralyǵyn qamtýy múmkin. Bul týraly Qarjy naryǵyn retteý jáne damytý agenttigi (QNRDA) habarlady, dep jazady Dalanews.kz LS-ke silteme jasap.
Birinshi kezeńde atalǵan júie sý tasqyny, jer silkinisi jáne orman órti siiaqty tabiǵi apattardyń saldarynan týyndaǵan shyǵyndardy jabatyn bolady.
"Bul azamattardyń múlkine barynsha ziian keltiretin tabiǵi sipattaǵy tótenshe jaǵdailar týyndaǵan jaǵdaida halyqtyń qarjylai qorǵaý deńgeiin arttyrýǵa múmkindik beredi", dep túsindirdi QNRDA.
Agenttiktiń habarlaýynsha, turǵyn úidi mindetti saqtandyrý boiynsha aktýarlyq esepke sáikes halyq úshin jarnanyń bazalyq mólsheri jylyna 0,5-ten 5 AEK-ke deiingi (1 myń teńgeden 20 myń teńgege deiin) shek aralyǵynda belgilenetin bolady.
"Bul rette saqtandyrý syiaqylaryn belgili bir aimaqtyń tabiǵi apattarǵa ushyraý qaýpiniń deńgeiine qarai differentsiialaý kózdeletin bolady, sonda qarjylyq júktemeni ádil bólip qarastyrýdy qamtamasyz etýge jáne tabiǵi apatqa beiim emes aimaqtardaǵy turǵyn úi ieleri úshin shamadan tys ósimdi boldyrmaýǵa múmkindik bolady", – dep túsindiredi retteýshi organ LS-qa bergen jaýabynda.
Qazir zań jobasy ázirlený barysynda. Qujat 2025 jyldyń sońyna deiin Májiliske usynady dep kútiledi. QNRDA atalǵan qujatty ázirleý kezinde Túrkiia, Ázirbaijan, Ispaniia, AQSh jáne Qyrǵyzstannyń tájiribesi negizge alynǵanyn atap ótti.
Buǵan deiin vitse-premer Qanat Bozymbaev Turǵyn úidi tabiǵi apattardan mindetti saqtandyrý 2026 jyldan bastap tabiǵi apatqa beiim óńirlerdiń turǵyndary úshin engizilýi múmkin ekenin aitqan bolatyn. Ol úshin Qazaqstan halyqaralyq bankterden qaryzǵa aqsha alady.
