Aita keteiik, 2012 jyly ashylǵan qojalyqtyń jalpy aýmaǵy 286,0 gektar jeri bar. Kúni búginge deiin jeke investitsiialyq salymdarmen qarjylandyrylyp kelgen sharýashylyqta 20 adam jumys isteidi. Olardyń ortasha ailyq jalaqysy 80 myń teńgeni quraidy. Aldaǵy ýaqytta, «Turar» sharýa qojalyǵyna 14,3 mlrd teńge qarajat investitsiialanbaq. Osylaisha 12500 adamdy turaqty jumyspen qamtý josparlanýda. Qajetti qarjy Eýropa qaita qurý jáne Damý bankisi tarapynan qarastyrylýda.
«Tapsyrmanyń tiianaqty oryndalǵanyn kórip turmyn. Biraq bul tek bir ǵana sharýa qojalyǵynyń atqarǵan isi. Ónimniń sapasy da kózge kórinip tur. Dál osy bir jylda 2 -3 ónim jinaý ádisin tutastai barlyq aýyl okrýgterinde qolǵa alý kerek. Úirenip, odan ári damyta túsý kerek», - dedi aimaq basshysy Ómirzaq Estaiuly.
Oblys ákimi budan keiin Shardara qalasyndaǵy «Shardara» №18 GJS-nan tartylatyn joǵary qysymdy gaz qubyryn jáne «Óteǵul» yqsham aýdanynda oramishilik orta qysymdy gaz qubyryn salý» jumystarymen de tanysty. Jospar boiynsha, aýdanda 2023 jyldyń 31-shi jeltoqsanyna deiin 80 myńǵa jýyq halyq sany bar 22 eldi meken kógildir otynmen qamtylmaq. Bul turǵyndardyń 99,45 paiyzyn quraidy. Óńir basshysy sapary barysynda qalalyq bas sý torabynyń da jumysymen tanysty. Atalǵan torapta «Aýdandyq turǵyn úi-kommýnaldyq sharýashylyq, jolaýshylar kóligi jáne avtomobil joldary bóliminiń «Shardara servis» MKK kommýnaldyq qyzmet kórsetýshi bolyp tabylady. 1983 jyly paidalanýǵa berilgen sý toraby búginde 5990 turǵyn úige, 5457 tutynýshyǵa qyzmet kórsetip otyr.
Shardaralyq chempiondarmen estelikke sýretke túsip, olarǵa aldaǵy Rýmyniiada ótetin Álem chempionatynda jeńis tuǵyrynan kórinýlerine tilek bildirdi. Aimaq basshysy budan bólek «Turǵyn úi qoryn jańǵyrtý» baǵdarlamasy aiasynda Shardara qalasyndaǵy kópqabatty úilerdiń kúrdeli jóndeý jumystarymen de tanysty. Óz kezeginde jergilikti halyq atqarylyp jatqan jumystarǵa kóńilderi tolatynyn aityp, rizashylyqtaryn bildirdi. Aita keteiikǵ 1970 jyly salynǵan tórt qabatty úide 40 páter bar. Qazirgi tańda 180 turǵyny bar baspananyń kúrdeli jóndeý jumystaryn bas merdigeri «Monolit Stroi XXI» kompaniiasy júrgizýde. Jobalyq quny 24 756 mln teńgeni quraityn qurylys jumystary 3 ai kóleminde aiaqtalýy tiis. Bul rette Ómirzaq Shókeev qaladaǵy kópqabatty úilerdiń turǵyndaryna endigi kezekte memlekettik kondominiýmdyq nysanyn tirkep, qurylys kompaniialarymen kelisim-shartqa otyrý kerektigin atap ótti. Atalǵan úilerdiń syrtqy kelbetin de árleýge kirisý kerektigin eskertti. Sapar sońynda oblys ákimi aýdan ortalyǵyndaǵy indýstriialyq aimaqta ornalasqan «Ai-qajy Aq-Altyn» JShS-i maqta óńdeý zaýytynyń jumysymen de tanysty. 2018 jyly ashylǵan seriktestik jeke investitsiiamen qarjylandyrylady. Qarjylyq salym quny 896,0 mln teńgeni quraityn kásiporyn jylyna 20 myń tonna maqta shikizatyn óndirýge qaýqarly. Qazirgi tańda zaýytta 125 adam eńbek etip, olardyń ortasha ailyq jalaqylary 70 myń teńgeni quraidy. Bolashaqta kásiporyndy keńeitý arqyly jańa jumys oryndary ashylyp, maqtany tereń óńdeý jumystary qolǵa alynbaq.
Túrkistan oblysy ákiminiń bapasóz qyzmeti
