ايتا كەتەيىك، 2012 جىلى اشىلعان قوجالىقتىڭ جالپى اۋماعى 286،0 گەكتار جەرى بار. كۇنى بۇگىنگە دەيىن جەكە ينۆەستيسيالىق سالىمدارمەن قارجىلاندىرىلىپ كەلگەن شارۋاشىلىقتا 20 ادام جۇمىس ىستەيدى. ولاردىڭ ورتاشا ايلىق جالاقىسى 80 مىڭ تەڭگەنى قۇرايدى. الداعى ۋاقىتتا، «تۇرار» شارۋا قوجالىعىنا 14،3 ملرد تەڭگە قاراجات ينۆەستيسيالانباق. وسىلايشا 12500 ادامدى تۇراقتى جۇمىسپەن قامتۋ جوسپارلانۋدا. قاجەتتى قارجى ەۋروپا قايتا قۇرۋ جانە دامۋ بانكىسى تاراپىنان قاراستىرىلۋدا.
«تاپسىرمانىڭ تياناقتى ورىندالعانىن كورىپ تۇرمىن. ءبىراق بۇل تەك ءبىر عانا شارۋا قوجالىعىنىڭ اتقارعان ءىسى. ءونىمنىڭ ساپاسى دا كوزگە كورىنىپ تۇر. ءدال وسى ءبىر جىلدا 2 -3 ءونىم جيناۋ ءادىسىن تۇتاستاي بارلىق اۋىل وكرۋگتەرىندە قولعا الۋ كەرەك. ۇيرەنىپ، ودان ءارى دامىتا ءتۇسۋ كەرەك»، - دەدى ايماق باسشىسى ءومىرزاق ەستاي ۇلى.
وبلىس اكىمى بۇدان كەيىن شاردارا قالاسىنداعى «شاردارا» №18 گجس-نان تارتىلاتىن جوعارى قىسىمدى گاز قۇبىرىن جانە «وتەعۇل» ىقشام اۋدانىندا ورامىشىلىك ورتا قىسىمدى گاز قۇبىرىن سالۋ» جۇمىستارىمەن دە تانىستى. جوسپار بويىنشا، اۋداندا 2023 جىلدىڭ 31ء-شى جەلتوقسانىنا دەيىن 80 مىڭعا جۋىق حالىق سانى بار 22 ەلدى مەكەن كوگىلدىر وتىنمەن قامتىلماق. بۇل تۇرعىنداردىڭ 99،45 پايىزىن قۇرايدى. ءوڭىر باسشىسى ساپارى بارىسىندا قالالىق باس سۋ تورابىنىڭ دا جۇمىسىمەن تانىستى. اتالعان توراپتا «اۋداندىق تۇرعىن ۇي-كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى ءبولىمىنىڭ «شاردارا سەرۆيس» مكك كوممۋنالدىق قىزمەت كورسەتۋشى بولىپ تابىلادى. 1983 جىلى پايدالانۋعا بەرىلگەن سۋ تورابى بۇگىندە 5990 تۇرعىن ۇيگە، 5457 تۇتىنۋشىعا قىزمەت كورسەتىپ وتىر.
وبلىس باسشىسى مۇنان سوڭ "شاردارا ارمسپورت" سپورت كلۋبىنا اتباسىن بۇرىپ، دۇنيەجۇزىندە وزىندىك ورنى بار سپورتشىلارمەن كەزدەستى. الەم چەمپيوندارى اللەياسىنىڭ جانە تاەكۆوندو، كاراتە، جەڭىل اتلەتيكا زالدارىنىڭ اشىلۋ سالتاناتىنا قاتىستى. اتالعان اللەياعا العاشقى اعاشتى وتىرعىزدى. سونىمەن قاتار تۇركىستان وبلىستىق №4 وليمپيادا رەزەرۆىنىڭ مامانداندىرىلعان بالالار-جاسوسپىرىمدەر سپورت مەكتەبىنىڭ ديرەكتورى، "شاردارا ارمسپورت" سپورت كلۋبىنىڭ نەگىزىن قالاعان ارمان قارسىبايەۆپەن كەزدەسىپ، سپورتتىڭ دامۋىنا سۇبەلى ۇلەس قوسىپ جۇرگەنى ءۇشىن العىسىن ءبىلدىردى. الداعى ۋاقىتتا ودان ءارى قاراي دا چەمپيوندار شىعارا بەرۋىنە سەنىممەن قارايتىنىن ايتىپ، ىزگى تىلەگىن جەتكىزدى. سپورت كلۋبىنا جاس سپورتشىلاردى جارىستارعا تاسىمالدايتىن ميكرواۆتوبۋستى تارتۋ ەتىپ، كولىك كىلتىن قول كۇرەسىنەن الەم چەمپيونى ماعجان شامييەۆكە تابىستادى.
شاردارالىق چەمپيوندارمەن ەستەلىككە سۋرەتكە ءتۇسىپ، ولارعا الداعى رۋمىنيادا وتەتىن الەم چەمپيوناتىندا جەڭىس تۇعىرىنان كورىنۋلەرىنە تىلەك ءبىلدىردى. ايماق باسشىسى بۇدان بولەك «تۇرعىن ءۇي قورىن جاڭعىرتۋ» باعدارلاماسى اياسىندا شاردارا قالاسىنداعى كوپقاباتتى ۇيلەردىڭ كۇردەلى جوندەۋ جۇمىستارىمەن دە تانىستى. ءوز كەزەگىندە جەرگىلىكتى حالىق اتقارىلىپ جاتقان جۇمىستارعا كوڭىلدەرى تولاتىنىن ايتىپ، ريزاشىلىقتارىن ءبىلدىردى. ايتا كەتەيىكع 1970 جىلى سالىنعان ءتورت قاباتتى ۇيدە 40 پاتەر بار. قازىرگى تاڭدا 180 تۇرعىنى بار باسپانانىڭ كۇردەلى جوندەۋ جۇمىستارىن باس مەردىگەرى «مونوليت ستروي XXI» كومپانياسى جۇرگىزۋدە. جوبالىق قۇنى 24 756 ملن تەڭگەنى قۇرايتىن قۇرىلىس جۇمىستارى 3 اي كولەمىندە اياقتالۋى ءتيىس. بۇل رەتتە ءومىرزاق شوكەيەۆ قالاداعى كوپقاباتتى ۇيلەردىڭ تۇرعىندارىنا ەندىگى كەزەكتە مەملەكەتتىك كوندومينيۋمدىق نىسانىن تىركەپ، قۇرىلىس كومپانيالارىمەن كەلىسىم-شارتقا وتىرۋ كەرەكتىگىن اتاپ ءوتتى. اتالعان ۇيلەردىڭ سىرتقى كەلبەتىن دە ارلەۋگە كىرىسۋ كەرەكتىگىن ەسكەرتتى. ساپار سوڭىندا وبلىس اكىمى اۋدان ورتالىعىنداعى يندۋستريالىق ايماقتا ورنالاسقان «اي-قاجى اق-التىن» ءجشس-ى ماقتا وڭدەۋ زاۋىتىنىڭ جۇمىسىمەن دە تانىستى. 2018 جىلى اشىلعان سەرىكتەستىك جەكە ينۆەستيسيامەن قارجىلاندىرىلادى. قارجىلىق سالىم قۇنى 896،0 ملن تەڭگەنى قۇرايتىن كاسىپورىن جىلىنا 20 مىڭ توننا ماقتا شيكىزاتىن وندىرۋگە قاۋقارلى. قازىرگى تاڭدا زاۋىتتا 125 ادام ەڭبەك ەتىپ، ولاردىڭ ورتاشا ايلىق جالاقىلارى 70 مىڭ تەڭگەنى قۇرايدى. بولاشاقتا كاسىپورىندى كەڭەيتۋ ارقىلى جاڭا جۇمىس ورىندارى اشىلىپ، ماقتانى تەرەڭ وڭدەۋ جۇمىستارى قولعا الىنباق.
تۇركىستان وبلىسى اكىمىنىڭ ءباپاسوز قىزمەتى
