Almatyda sý esepteý júiesin jańǵyrtý jumystary qarqyn alǵan. Alataý aýdanynyń turǵyndarymen kezdesýde qala ákimi Erbolat Dosaev biylǵy jyldyń basty mindeti — almatylyqtardyń basym bóligin sý úshin eseptegish arqyly tóleýge kóshirý ekenin atap ótti,– dep habarlaidy Dalanews.kz
«Jyl sońyna deiin eseptegishpen qamtýdy 90%-ǵa jetkizý mindeti tur», – dedi qala ákimi.
Ol eseptegish ornatylǵannan keiin kóptegen turǵynnyń sýdy tutynýǵa uqypty qarai bastaǵanyn aitty.
Ákimniń aitýynsha, búginde qalada qoljetimdi ári sapaly eseptegishterdi usynatyn 20 kompaniia jumys isteidi. Qazir eseptegish ornatý baǵasy jaǵynan da, qoljetimdilik turǵysynan da qiyndyq týǵyzbaidy.
«Bizde sý tutynýdyń belgilengen normasy bar. Eger siz sol normadan assańyz, joǵary tarifpen, aspasańyz, qarapaiym tarifpen tóleisiz», – dedi ákim tólem esepteýdiń júiesine nazar aýdara otyryp.
