Jyl qorytyndysy: 68 myń sharshy metr turǵyn úi qoldanysqa berildi. Bul týraly Qonaev qalasy ákimdiginiń qurylys bólimi málimdedi.
Investitsiialyq qarjyǵa 2024 jyly aýmaǵy 50,050 sharshy metrdi quraityn 14 kópqabatty turǵyn úi qoldanysqa berilgen. Al jeke turǵyn úilerdi qosqanda bul kórsetkish 68 myń sharshy metrdi qurap otyr. Qazirgi tańda 6 turǵyn úi kesheni jeke investor esebinen, 1 turǵyn úi biýdjet qarjysyna boi kóterýde.
Sonymen qatar qurylys bóliminiń mamandary basqa da jobalar týraly aqparatpen bólisti. Mysaly, qalanyń Keshendi damý josparyna sáikes, Samal, Ardager yqshamaýdandaryna injenerlik jelilerdi tartý jumystary júrgizilýde. Qurylys biyl aiaqtalady dep josparlanǵan.
Atalǵandardan bólek, qańǵyǵan mysyq pen itterdi ýaqytsha ustaý ornyn jáne №6 ýchaskelik politsiia pýnktin salý úshin jobalaý-izdestirý jumystary júrip jatyr. Joba 2025 jyldyń 2 jartyjyldyǵynda daiyn bolady dep kútilýde.
