2024 jyldyń qarasha aiynda aqsha aiyrbastaý oryndary jeke tulǵalar men bizneske 228,1 mlrd teńgege kóleminde dollar satty. Bul - bir ai burynǵy kórsetkishke qaraǵanda 34,1%-ǵa jáne jyl basynan bergi tirkelgen eń joǵary kórsetkish, dep jazady Dalanews.kz.
Ulttyq banktiń málimetinshe, qarasha aiynda AQSh dollarymen bolǵan saýdanyń basym úlesi úsh megapoliske tiesili: Almaty (63,6 mlrd teńge), Shymkent (57,4 mlrd teńge) jáne Astana (27,3 mlrd teńge). Al evro satylymy bir aidyń ishinde 27,3%–ǵa-22,8 mlrd teńgege deiin ósti, al rýbl, kerisinshe, 55,6%–ǵa, iaǵni 8,8 mlrd teńgeden 4,9 mlrd teńgege deiin tómendedi.
Sondai-aq aǵylshyn fýnt sterlinginiń satylǵan kólemi 13,4%-ǵa, iaǵni 256,5 mln teńgege jáne qytai iýani boiynsha saýda 19,3%-ǵa azaiyp, 124 mln teńgege deiin azaidy.
Ulttyq banktiń málimetinshe, qarasha aiynyń basynda 1 AQSh dollar baǵamy 488 teńgeni, al aidyń aiaǵynda 511,22 teńgeni qurady. Bir ai barysyndaǵy ósim 4,7% qurady. Sonymen qatar, qarasha aiynyń basynda Reseidiń 1 rýbli 5,03 teńge, al sońyna qarai 4,73 teńge (-6%) boldy.
Salystyrmaly túrde alsaq, 2023 jylǵy qarashada aqsha aiyrbas oryndarynyń dollarmen jasaǵan saýda-sattyq kólemi 234,6 mlrd teńgeni qurap, qazirgi mánnen birshama artyq bolǵan.
