2025 jyldyń basynan beri 1 070 etnikalyq qazaq tarihi otanyna oralyp, qandas mártebesin aldy, dep habarlaidy Dalanews.kz.
Al 1991 jyldan bastap Qazaqstanǵa 1 million 149 myńnan astam etnikalyq qazaq qonys aýdarǵanyn.
Jyl basynan beri kelgen qandastardyń kópshiligi Qytaidan (51,9%), Ózbekstannan (37,5%), Túrikmenstannan (7,1%), Reseiden (1,8%) jáne basqa elderden (1,7%) kóship kelgen.
2025 jyldyń 1 aqpanyndaǵy málimetterge sáikes, etnikalyq qazaqtardyń 60,2%-y eńbekke qabiletti jasta bolsa, 32,9%-y – kámeletke tolmaǵandar, al 6,8%-y – zeinetkerler.
Jańadan qonys aýdarǵan qandastardyń ishinde joǵary bilimi barlar – 16,7%, orta kásibi bilimdiler – 32,9%, jalpy orta bilim alǵandar – 48,4%, al 1,9%-ynda bilim joq.
Qandastardy qonystandyrý úshin tómendegi eńbek kúshi tapshy óńirler belgilendi:
• Aqmola
• Abai
• Atyraý
• Qostanai
• Pavlodar
• Shyǵys Qazaqstan
• Batys Qazaqstan
• Soltústik Qazaqstan oblystary.
2025 jyly osy óńirlerge qandastardy qabyldaý kvotasy 2 309 adamdy quraidy. Al 1 aqpanǵa deiin bul aimaqtarǵa 171 qandas qonys aýdardy.
Qonys aýdarǵan qandastar úshin memleket tarapynan mynadai qoldaý sharalary qarastyrylǵan:
• Kóshýge arnalǵan sýbsidiia: otaǵasy men otbasynyń árbir múshesine 70 AEK (275,2 myń teńge);
• Turǵyn úi jaldaýǵa jáne kommýnaldyq qyzmetterge tólem: 15-ten 30 AEK-ke deiin (59-dan 118 myń teńgege deiin) bir jyl boiy.
Sonymen qatar, eńbek kúshi tapshy óńirlerge kóshýdi yntalandyrý úshin jumys berýshilerge qosymsha qoldaý sharalary engizildi. Qandastar men azamattardyń bul aimaqtarǵa erikti qonys aýdarýyn jeńildetý maqsatynda ekonomikalyq utqyrlyq sertifikaty beriledi. Ol turǵyn úi qunynyń 50%-yn jabýǵa nemese bir otbasyna 4,56 mln teńgege deiin qaitarymsyz negizde qarjylai kómek kórsetýge múmkindik beredi.
