Astanada ýákiletti organdar ákimdikpen birlesip, ásirese jastar arasynda esirtki qylmysyna qarsy belsendi kúres júrgizýde. Jyl basynan beri qalada 400-den astam esirtki qylmysy tirkeldi. Bul týraly kommýnikatsiialar qyzmetinde ótken brifingte Astana qalasy politsiia departamentiniń esirtki qylmysyna qarsy is-qimyl basqarmasynyń aǵa jedel ýákili Áliia Qibatqyzy aitty, – dep habarlaidy Dalanews.kz.
2024 jyldyń 11 aiynda Astanada 407 esirtki qylmysy tirkelgen, sonyń ishinde 285 ótkizý faktisi, sondai-aq esirtkiniń sintetikalyq túrlerimen bailanysty 621 esirtki quqyq buzýshylyq.
Zańsyz ainalymnan 339 keli esirtki zattary, sonyń ishinde 20,8 keli «sintetika» tárkilendi.
– Nashaqorlyqqa jáne esirtki biznesine qarsy kúrestiń 2023-2025 jyldarǵa arnalǵan respýblikalyq keshendi jospary jáne memlekettik organdar men jurtshylyq barynsha tartylǵan «Astana – esirtkisiz qala 2023-2025 jyldarǵa arnalǵan» baǵdarlamasy iske asyrylýda. Onyń aiasynda ýákiletti organdarmen nashaqorlyqtyń aldyn alýǵa jáne esirtkiniń zańsyz ainalymy salasyndaǵy qylmystardy anyqtaýǵa baǵyttalǵan birqatar is-shara júrgizilýde, – dedi spiker.
Memlekettik organdarmen jáne ÚEU-men birlesip quqyq qorǵaý organdary 496 aldyn alý is-sharalaryn, sonyń ishinde aktsiialar, seminarlar, dárister, dóńgelek ústelder, kezdesýler, sporttyq týrnirler, konkýrstar ótkizdi.
