Jyl basynan beri Astana International Exchange (AIX) bırjasyndaǵy saýda kólemi 1 mıllıard dollarǵa jetti, dep habarlaıdy Dalanews.kz.

Bırja baspasóz qyzmetiniń habarlaýynsha, aǵymdaǵy jyldyń 10 aıyndaǵy kórsetkish sońǵy bes jylda qol jetkizilgen kólemge para-par keledi.

"Buǵan jergilikti naryq músheleriniń belsendiligi, sheteldik jeke ınvestorlar men ınstıtýsıonaldyq ınvestorlardyń kóbeıýi jáne bırjada shyǵarylǵan qundy qaǵazdar sanynyń ósýi túrtki", - deıdi qor bırjasyndaǵylar. 

Sondaı-aq buǵan AIX-te tirkelgen qoljetimdi quraldar aıasynyń keńeıýi de yqpal etken: búgingi tańda bırjada 230 qundy qaǵaz tirkelgen, onda da onyń 100-i 2024 jyly tirkelip otyr. 

"Alǵashqy mıllıard dollar saýda kólemine jetý úshin bizge bes jyl qajet boldy, al ekinshi mıllıardqa on aıdan az ýaqyt aralyǵynda qol jetkizdik. Bul qarqyndy damý bes jyl ishinde qurǵan ınfraqurylymnyń arqasynda múmkin bolyp otyr. Osyndaı turaqty fýndamenttiń arqasynda biz ary qaraı damyp, múmkindikterimizdi keńeıte berýge jáne Qazaqstannyń qor naryǵyn damytýǵa daıynbyz", - deıdi AIX bırjasynyń basqarma tóraıymy Ásel Muqajanova 

AHQO arqyly Qazaqstan ekonomıkasyna tartylǵan ınvestısıalar kólemi 13 mlrd dollardan asady, onyń ishinde 5,9 mlrd – AIX bırjasyndaǵy portfelderge ınvestısıalansa, al 7,3 mlrd AHQO-ǵa qatysýshy kompanıalarǵa ınvestısıalanǵan.

Búginderi bul alańda álemdegi 80-nen astam eldiń 3200-ge jýyq kompanıasy jumys isteıdi.