Jezqazǵan qalasynda «Kazakhmys Energy» JShS Bas direktory Temirlan Ótegenov pen Ulytaý oblysynyń ákimi Berik Ábdiǵaliuly Jezqazǵan JEO alańynda qýaty ≈ 100 MVt bý-gaz qondyrǵysyn (BGQ) salý jónindegi jobany iske asyrý týraly Memorandýmǵa qol qoidy.
Sondai-aq, bul kúni Temirlan Ótegenov «Sinohydro» Qazaqstandaǵy ókili Li Tengpen jáne ońtústik-shyǵys jáne Ortalyq Aziiadaǵy «Sepco» korporatsiiasynyń bas direktory Ýang Gýanjongpen BGQ salý jáne qondyrǵynyń jobalyq qujattamasyn daiyndaý týraly sharttarǵa qol qoidy. Bul jobany iske asyrý boiynsha negizgi áriptes QHR «Sinohydro Corporation Limited» (power China kontserniniń quramyna kiretin) kompaniiasy bolady. Jobany iske asyrý merzimi-2023-26 jyldar.
Aita ketý kerek, bul aýqymdy joba jalpy óńirdiń damýyna oń áser etedi.
Máselen, BGQ obektilerin iske asyrý jáne keiinnen paidalaný kezeńinde jańa jumys oryndary qurylady. Paidalaný bastalǵannan keiin qondyrǵy Jezqazǵan energiia torabynyń elektr júktemesiniń tapshylyǵyn 104 MVt-qa deiin qamtamasyz etedi, óz kezeginde bul qosymsha manevrlik qýat kúshin qosýǵa múmkindik beredi.
Budan basqa, jobany engizý oblys biýdjetine qosymsha túsimderdi júzege asyrýǵa múmkindik beredi, sondai-aq halyqaralyq investorlardy tartý boiynsha múmkindikterdi keńeitedi. Sonymen qatar, jańa jobany iske qosý qosymsha qýatty óndirý kezinde tabiǵi gazdyń janyp ketý sebebinen ekologiialyq jaǵdaidyń jaqsarýyna oń áser etedi dep boljanýda.
Jobanyń jalpy quny shamamen 80 milliard teńgeni quraidy.
