Jetisýdaǵy bul aýqymdy sharany jastardyń shyǵarmashylyq áleýetin arttyryp, talant kózin ashý maqsatynda oblystyq jastar saiasaty jónindegi basqarma men jastar resýrstar ortalyǵy birlesip uiymdastyrdy. Festivaldi oblys ákimi A. Batalov ta tamashalady.
Qalalyqtar men qala qonaqtary qolónershilerdiń Jetisy: Hand made saýda kórmesinen qalaǵan buiymdaryn satyp alýǵa múmkindik aldy.
Jetisy Style jastar festivaliniń aiasynda ilmekpen toqyma toqý isiniń sheberi Nurlan Jartybekov toqymadan álemdik rekord ornata aldy. Ol Qapshaǵai qalasyndaǵy «Baldáýren» respýblikalyq oqý-saýyqtyrý ortalyǵynda toqyma sabaǵynan tálim beredi.
Nurlan óziniń alǵashqy rekordyn biylǵy jyldyń basynda jasady. Ol kózin jumyp turyp bir minýtta 56 ilmekti bailanystyryp úlgergen. Nurlan Jastarǵa qyzmet kórsetý ortalyǵynda toqymaǵa kirisip, 72 saǵattyń ishinde demalmastan, uiyqtamastan 35 metr jún sharf toqydy. Bul – toqymadan álem tarihyndaǵy jańa rekord. Rekordshy Nurlan Jartybekovti oblys ákimi A. Batalov diplommen jáne Jetisy Style jastar festivali ataýy jazylǵan arnaiy statýetkamen marapattady.
Sporttyq jarystardyń da kórigi qyzdy: kóshe gimnasttary Street Workout alańynda kórermenderge óz sheberlikterin kórsetse, skeitter men rolikterdi jaqsy kóretinder úshin arnaiy alańdarda jarystar uiymdastyryldy. Sonymen qatar festival qatysýshylary men qonaqtary kibersport arenasynda óz ónerlerin kórsetýge múmkindik aldy. Jalpy festivaldi uiymdastyrýshylar jaǵalaýdyń árbir sharshy metr alańyn tiimdi paidalanýdy tolyqtai oilastyrǵan.
Qaratal jaǵalaýynda 12 qanatty kiiz úi tigildi. Kiiz úi jabdyqtary
Festival aiasynda kóńil kóterý sharalary da qarastyryldy. Jastar karaokemen án salyp, arbýz party sharasyna qatysty, balalar «Armandar taqtasyna» armandaryn jazyp, asfaltqa sýret saldy.
Sharada on shaqty animator men tórt kosplei balalardyń kóńilin kóterdi. Odan bólek jaǵalaýda Sibirdiń Altyn tsirkinen kelgen ártisterdiń oiyny qabattasa júrip jatty. Shoý baǵdarlamada Ara totyqusy, horek- ekstrimal, ózen maimyly, itter, áýe gimnasttary, saiqymazaqtar jáne t.b. óz ónerlerin pash etti.
Shara jastar arasynda hit-ánge ainalǵan «Samaia vyshka» ánin oryndaýshylar Raim&Artur dýeti jáne basqa da ónerpazdar qatysqan kontsertpen jalǵasyp, otshashýmen túiindeldi.
