Búgin Jetisý oblysynyń volonterlary 25 jeltoqsanda Aqtaý qalasyna taiaý mańda qulaǵan «Baký-Groznyi» baǵytyndaǵy jolaýshylar ushaǵy apatynan zardap shekkenderge kómek kórsetý maqsatynda Taldyqorǵandaǵy Qan ortalyǵyna baryp, qan tapsyrdy, - dep habarlaidy Dalanews.kz Jetisý oblysy ákiminiń baspasóz qyzmetine siltep.
Oblystaǵy erikti jastar alǵashqylardyń biri bolyp qan tapsyrýǵa niet bildirgen. Olar qiyn jaǵdaiǵa túsken jandarǵa qan berý arqyly kómek kórsetýge jora-joldastary men tanystaryn da shaqyrýda.
- Aqtaý qalasynda áýe kemesiniń qulaǵany týraly oqys jańalyq bárimizge aýyr tidi. Apattan qanshama adam kóz jumdy, marqumdardyń jany jannatta bolsyn deimiz. Tiri qalǵandardyń tez saýyǵyp, aman-esen jaqyndaryna orlaýyna kómegimiz tisin dep, búgin qan tapsyrýǵa keldik. Endi mundai aýyr jaǵdai qaitalanbasyn dep tileimiz, - dedi «Assambleia jastary» eriktiler tobynyń múshesi Zaida Qurmasheva.
Oblystyq qan ortalyǵynyń málimetine qaraǵanda, búgin saǵat 12.00-ge deiin 49 adam qan tapsyrǵan.
– Ortalyqqa áýe apatynan jaraqat alǵan muqtaj jandar úshin qan kómek tapsyramyz dep erikti jastar kelip jatyr. Ázirge Aqtaýdaǵy qan tapsyrý ortalyǵynda qan jetkilikti. Eger jedel qan kerek dese biz kez kelgen ýaqytta jiberýge daiynbyz, – dedi Oblystyq qan ortalyǵynyń direktory Marat Dosqaliev.
Ákimdik Jetisý oblysy turǵyndarynyń atynan ushaq apatynda qaitys bolǵandardyń otbasylary men jaqyndaryna kóńil aitty.
