Matematikany singapýrsha oqytýdyń ereksheligi, pedagogtar daiyndaý máselesi, oqý-ádistemelik materialdarmen tanysý oblys ákimi Amandyq Batalovtyń singapýrlyq «Marshall Cavendish Education» baspasynyń ókilderimen ótkizgen kezdesýinde sóz boldy.
Atalmysh baspanyń matematika men naqty ǵylymdardy oqytýdyń álemge áigili ádistemesin engizýde álemdik tájiribesi bar.
Quramynda QR Syrtqy ister ministrliginiń erekshe tapsyrmalar jónindegi elshisi Úsen Súleimen, «Marshall Cavendish Education» kompaniiasynyń óńirlik direktory Hairi bin Abdýlla jáne RFMM basqarma tóraǵasy Ǵabit Bekahmetov bar resmi delegatsiiany iltipatpen qarsy alǵan oblys basshysy Amandyq Batalov kompaniianyń Jetisý óńirimen yntymaqtastyq jasaýǵa niet etkenine rizashylyǵyn bildirdi.
Kezdesýde sóz alǵan Hairi bin Abdýllanyń aitýynsha, «Marshall Cavendish Education» kompaniiasynyń óz salasynda 60 jyldyq tájiribesi bar. Baspa búgingi kúni álemniń 75 eline óz ónimderin eksporttap otyr. Óziniń teńdessiz ǵylymi-zertteý ádisin oqý baǵdarlamasymen jáne kásibi damý baǵyttarymen biriktirip, synypta, sonymen qatar odan tys jerlerde de tiimdi oqytý men belsendi meńgerý tehnologiiasyn qatar qoldanady.
Iaǵni, elektrondy bilim berý júiesi arqyly paidalanatyn balalardyń óz betimen oqý ádistemesiniń de mańyzy zor. Bul rette «Marshall Cavendish Education» ádistemesiniń ereksheligi sol, matematikany meńgerý balabaqshadan bastalady. Munda jeke tulǵany emotsionaldy-áleýmettik turǵyda jáne jalpy damytý basty rólge ie.
Dialog barysynda oblystyq bilim basqarmasynyń basshysy Dáýren Júnisov aldyn ala júrgizilgen saýalnama barysynda atalmysh baǵdarlama oblys pedagogtary arasynda oń pikir qalyptastyrylyp úlgergenin atap ótti. Birinshi kezeńde bul baǵdarlamany balabaqshalar men bastaýysh mektepterge engizý kózdelgen. Bul oraida kompaniia ókilderi óńir muǵalimderin daiarlaýǵa atsalysýǵa nietti. RFMM óz tarapynan oqý-ádistemelik materialdardy qazaq jáne orys tilderine aýdarýda qoldaý kórsetpek.
Atap ótsek, Singapýr – mektep oqýshylarynyń matematikalyq bilim deńgeii jaǵynan álimdegi absoliýtti kóshbasshy.
Kezdesýdi túiindegen Amandyq Batalov birinshi kezekte qansha pedagogty oqytý qajet ekenin anyqtap alý kerektigin aitty.
Oblystyń bilim mekemelerindegi oqý protsesine matematikany oqytýdyń atalǵan ádistemesin engizý máselelerimen ainalysatyn arnaiy mamandardan turatyn jumys tobyn qurý qajet. Alda alǵashqy synaqty ótkizip, ary qaraiǵy qadamdy anyqtaý mindeti tur.
Oń qorytyndy alǵannan keiin kelesi jyldyń biýdjetinen qajetti qarjyny qarastyrýǵa bolady.
– Barlyq máselelerdi oblystyq bilim basqarmasy qarastyryp, zerdeleýi tiis. Baǵdarlamany aldymen balabaqshalarǵa engizemiz. Birinshi kezekte pedagogtardy oqytý máselesin sheshýimiz kerek. Oblys oqýshylary mektepte, sonyń ishinde matematikadan eń úzdik bilim alýy tiis. Osy baǵytta naqty iske kirisýdi tapsyramyn, – dedi A. Batalov.
Óz kezeginde Hairi bin Abdýlla iskerlik kezdesý úshin alǵysyn aityp, «Marshall Cavendish Education» kompaniiasy yntymaqtastyq ornatýǵa, matematikany oqytýda jinaqtaǵan bilimimen jáne innovatsiialyq tájiribesimen bólisýge ázir ekenin ekenin aitty.
Almaty oblysy ákiminiń baspasóz qyzmeti
