ماتەماتيكانى سينگاپۋرشا وقىتۋدىڭ ەرەكشەلىگى، پەداگوگتار دايىنداۋ ماسەلەسى، وقۋ-ادىستەمەلىك ماتەريالدارمەن تانىسۋ وبلىس اكىمى اماندىق باتالوۆتىڭ سينگاپۋرلىق «Marshall Cavendish Education» باسپاسىنىڭ وكىلدەرىمەن وتكىزگەن كەزدەسۋىندە ءسوز بولدى.
اتالمىش باسپانىڭ ماتەماتيكا مەن ناقتى عىلىمداردى وقىتۋدىڭ الەمگە ايگىلى ادىستەمەسىن ەنگىزۋدە الەمدىك تاجىريبەسى بار.
قۇرامىندا ق ر سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى ۇسەن سۇلەيمەن، «Marshall Cavendish Education» كومپانياسىنىڭ وڭىرلىك ديرەكتورى حايري بين ابدۋللا جانە رفمم باسقارما ءتوراعاسى عابيت بەكاحمەتوۆ بار رەسمي دەلەگاسيانى ىلتيپاتپەن قارسى العان وبلىس باسشىسى اماندىق باتالوۆ كومپانيانىڭ جەتىسۋ وڭىرىمەن ىنتىماقتاستىق جاساۋعا نيەت ەتكەنىنە ريزاشىلىعىن ءبىلدىردى.
كەزدەسۋدە ءسوز العان حايري بين ابدۋللانىڭ ايتۋىنشا، «Marshall Cavendish Education» كومپانياسىنىڭ ءوز سالاسىندا 60 جىلدىق تاجىريبەسى بار. باسپا بۇگىنگى كۇنى الەمنىڭ 75 ەلىنە ءوز ونىمدەرىن ەكسپورتتاپ وتىر. ءوزىنىڭ تەڭدەسسىز عىلىمي-زەرتتەۋ ءادىسىن وقۋ باعدارلاماسىمەن جانە كاسىبي دامۋ باعىتتارىمەن بىرىكتىرىپ، سىنىپتا، سونىمەن قاتار ودان تىس جەرلەردە دە ءتيىمدى وقىتۋ مەن بەلسەندى مەڭگەرۋ تەحنولوگياسىن قاتار قولدانادى.
ياعني، ەلەكتروندى ءبىلىم بەرۋ جۇيەسى ارقىلى پايدالاناتىن بالالاردىڭ ءوز بەتىمەن وقۋ ادىستەمەسىنىڭ دە ماڭىزى زور. بۇل رەتتە «Marshall Cavendish Education» ادىستەمەسىنىڭ ەرەكشەلىگى سول، ماتەماتيكانى مەڭگەرۋ بالاباقشادان باستالادى. مۇندا جەكە تۇلعانى ەموسيونالدى-الەۋمەتتىك تۇرعىدا جانە جالپى دامىتۋ باستى رولگە يە.
ديالوگ بارىسىندا وبلىستىق ءبىلىم باسقارماسىنىڭ باسشىسى داۋرەن ءجۇنىسوۆ الدىن الا جۇرگىزىلگەن ساۋالناما بارىسىندا اتالمىش باعدارلاما وبلىس پەداگوگتارى اراسىندا وڭ پىكىر قالىپتاستىرىلىپ ۇلگەرگەنىن اتاپ ءوتتى. ءبىرىنشى كەزەڭدە بۇل باعدارلامانى بالاباقشالار مەن باستاۋىش مەكتەپتەرگە ەنگىزۋ كوزدەلگەن. بۇل ورايدا كومپانيا وكىلدەرى ءوڭىر مۇعالىمدەرىن دايارلاۋعا اتسالىسۋعا نيەتتى. رفمم ءوز تاراپىنان وقۋ-ادىستەمەلىك ماتەريالداردى قازاق جانە ورىس تىلدەرىنە اۋدارۋدا قولداۋ كورسەتپەك.
اتاپ وتسەك، سينگاپۋر – مەكتەپ وقۋشىلارىنىڭ ماتەماتيكالىق ءبىلىم دەڭگەيى جاعىنان الىمدەگى ءابسوليۋتتى كوشباسشى.
كەزدەسۋدى تۇيىندەگەن اماندىق باتالوۆ ءبىرىنشى كەزەكتە قانشا پەداگوگتى وقىتۋ قاجەت ەكەنىن انىقتاپ الۋ كەرەكتىگىن ايتتى.
وبلىستىڭ ءبىلىم مەكەمەلەرىندەگى وقۋ پروسەسىنە ماتەماتيكانى وقىتۋدىڭ اتالعان ادىستەمەسىن ەنگىزۋ ماسەلەلەرىمەن اينالىساتىن ارنايى مامانداردان تۇراتىن جۇمىس توبىن قۇرۋ قاجەت. الدا العاشقى سىناقتى وتكىزىپ، ارى قارايعى قادامدى انىقتاۋ مىندەتى تۇر.
وڭ قورىتىندى العاننان كەيىن كەلەسى جىلدىڭ بيۋدجەتىنەن قاجەتتى قارجىنى قاراستىرۋعا بولادى.
– بارلىق ماسەلەلەردى وبلىستىق ءبىلىم باسقارماسى قاراستىرىپ، زەردەلەۋى ءتيىس. باعدارلامانى الدىمەن بالاباقشالارعا ەنگىزەمىز. ءبىرىنشى كەزەكتە پەداگوگتاردى وقىتۋ ماسەلەسىن شەشۋىمىز كەرەك. وبلىس وقۋشىلارى مەكتەپتە، سونىڭ ىشىندە ماتەماتيكادان ەڭ ۇزدىك ءبىلىم الۋى ءتيىس. وسى باعىتتا ناقتى ىسكە كىرىسۋدى تاپسىرامىن، – دەدى ا. باتالوۆ.
ءوز كەزەگىندە حايري بين ابدۋللا ىسكەرلىك كەزدەسۋ ءۇشىن العىسىن ايتىپ، «Marshall Cavendish Education» كومپانياسى ىنتىماقتاستىق ورناتۋعا، ماتەماتيكانى وقىتۋدا جيناقتاعان بىلىمىمەن جانە يننوۆاسيالىق تاجىريبەسىمەن بولىسۋگە ءازىر ەكەنىن ەكەنىن ايتتى.
الماتى وبلىسى اكىمىنىڭ باسپا ءسوز قىزمەتى
