Jetisýlyq metsenat jeke qarjysyna ambýlatoriia men ýchaskelik pýnkt saldy
Eńbekshiqazaq aýdandyq ákimdiginiń málimetine súiensek, ǵimarattyń jalpy alańy 325 sharshy metr. Jergilikti turǵyn, jomart júrek kásipker Tavabir Chikaev aýyldastarynyń igiligine berý úshin poshtanyń eski ǵimaratynyń ornyna jeke qarajatyna jańa nysan turǵyzdy. Sonymen birge ol ǵimarat ishinde qajetti jihaz ben intererler satyp áperdi. Al ambýlatoriiany arnaiy meditsinalyq qural-jabdyqtarmen aýdandyq kóp salaly aýrýhana qamtamasyz etedi.
Nysannyń ashylý saltanatyna qatysqan Eńbekshiqazaq aýdanynyń ákimi Álibek Jaqanbaev biznestiń áleýmettik jaýapkershiligi men óńir damýyndaǵy metsenattar qoldaýynyń mańyzy týraly atap ótti.
- «Rýhani jańǵyrý» baǵdarlamasynda Elbasy «Patriotizm kindik qanyń tamǵan jerińe, ósken aýylyńa, qalań men óńirińe, iaǵni týǵan jerińe degen súiispenshilikten bastalady» degen bolatyn. Búgingi shara osyndai eljandylyqtyń, týǵan jerge degen janashyrlyqtyń kópke úlgi bolǵan dástúrli jalǵasy dep bilemiz. Bárińizdi kele jatqan merekelerińizben jáne jańa nysannyń ashylýymen quttyqtaimyn, - degen Á.Jaqanbaev metsenatqa rizashylyǵyn bildirdi.
Saltanatty sharada ǵimarattyń lentasy qiylyp, nysan Kóktóbe aýyldyq okrýgi turǵyndarynyń igiligine berildi.
Jalpy Almaty oblysynda Tuńǵysh Prezident kúnine orai óńirdiń ár túkpirinde kóptegen áleýmettik mańyzdy nysandar ashý belgilengen. Solardyń qatarynda servistik ákimdik, aýyldyq mádeniet úii, óner mektebi, jekemenshik balabaqsha, jańa skver jáne basqalary bar.
