Almaty oblys ákimi Amandyq Batalov Almaty oblysynyń 2016 jylǵy úzdik muǵalimi atanǵan Jambyl aýdany Úmbetáli Káribaev atyndaǵy orta mekteptiń bıologıa pániniń muǵalimi Nurǵazıeva Gúlhan Elýbaıqyzyna «Shevrolet Aveo» jeńil avtokóliginiń kiltin tabys etti.

Sonymen qatar Muǵalimder kúnine arnalǵan saltanatty jıynda Jaılaýbekova Nazıma Boranbaıqyzy basqaratyn Qarasaı aýdanyndaǵy «Bota» balabaqshasy óńirdiń «Úzdik balabaqshasy» atanyp, 300 myń teńge aqshalaı syılyqpen marapattaldy. Aqsý aýdanyndaǵy Q.Sátpaev atyndaǵy orta mektep – gımnazıasy (dırektory – Nurahmetov Berik Tursynbaıuly) «Úzdik aýyl mektebi» atansa, Esik gýmanıtarlyq-ekonomıkalyq koleji» (dırektory – Joshybaeva Gúlnara Saǵatqyzy) «Úzdik kásiptik bilim berý mekemesi» baıqaýynda jeńip shyqty.

Al Qapshaǵaı qalasyndaǵy №3 orta mektebiniń muǵalimi Narymbaeva Jansaıa Baıbolatqyzy «Úzdik synyp jetekshisi» ataǵyn jeńip aldy. «Qosymsha bilim beretin úzdik mekeme» dep Kóksý aýdanyndaǵy «Mýzyka mektebi» (dırektory – Japsarbaeva Altynshash Saǵadenqyzy) tanyldy.