Sharany ótkizýdegi maqsat – tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn iske asyrý, til oqytý ortalyqtary jumysyn birizdendirý, ozyq is-tájiribeni taratý, oqý-ádistemelik jumysty jandandyrý bolyp tabylady.
Baiqaýdy oblystyq tilderdi damytý jónindegi basqarmasy onomastikalyq jumys jáne taldaý bóliminiń basshysy Gúlnar Bitebekova ashyp, saiysqa qatysýshylarǵa sáttilik tiledi.
Alty kezeńnen turǵan baiqaýǵa 10 ortalyq qatysyp, baqtaryn synady. Olardyń arasynda oza shaýyp, alǵa shyqqandaryn oblystyq tilderdi damytý jónindegi basqarmasynyń basshysy Aidar Karbozuly marapattap, júrekjardy lebizin de bildirdi.
Sonymen, «Úzdik ujym» baiqaýynyń bas júldesin «Almaty oblysynyń «Til» oqý-ádistemelik ortalyǵy» kommýnaldyq memlekettik mekemesi ielendi. Al birinshi orynǵa «Almaty oblysynyń «Til» oqý-ádistimelik ortalyǵy» kommýnaldyq memlekettik mekemesiniń Qarasai aýdandyq filialy laiyq dep tabyldy. Ekinshi oryndy Almaty oblysynyń «Til» oqý-ádistimelik ortalyǵy» kommýnaldyq memlekettik mekemesiniń Qapshaǵai qalalyq filialy, úshinshi oryn Almaty oblysynyń «Til» oqý-ádistimelik ortalyǵy» kommýnaldyq memlekettik mekemesiniń Uiǵyr aýdandyq filialyna buiyrdy.
Baiqaý jeńimpazdaryna basqarmanyń arnaiy diplomy men aqshalai syilyǵy tabystaldy.
