شارانى وتكىزۋدەگى ماقسات – تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىن ىسكە اسىرۋ، ءتىل وقىتۋ ورتالىقتارى جۇمىسىن بىرىزدەندىرۋ، وزىق ىس-تاجىريبەنى تاراتۋ، وقۋ-ادىستەمەلىك جۇمىستى جانداندىرۋ بولىپ تابىلادى.
بايقاۋدى وبلىستىق تىلدەردى دامىتۋ جونىندەگى باسقارماسى ونوماستيكالىق جۇمىس جانە تالداۋ ءبولىمىنىڭ باسشىسى گۇلنار بىتەبەكوۆا اشىپ، سايىسقا قاتىسۋشىلارعا ساتتىلىك تىلەدى.
التى كەزەڭنەن تۇرعان بايقاۋعا 10 ورتالىق قاتىسىپ، باقتارىن سىنادى. ولاردىڭ اراسىندا وزا شاۋىپ، العا شىققاندارىن وبلىستىق تىلدەردى دامىتۋ جونىندەگى باسقارماسىنىڭ باسشىسى ايدار كاربوز ۇلى ماراپاتتاپ، جۇرەكجاردى لەبىزىن دە ءبىلدىردى.
سونىمەن، «ۇزدىك ۇجىم» بايقاۋىنىڭ باس جۇلدەسىن «الماتى وبلىسىنىڭ «ءتىل» وقۋ-ادىستەمەلىك ورتالىعى» كوممۋنالدىق مەملەكەتتىك مەكەمەسى يەلەندى. ال ءبىرىنشى ورىنعا «الماتى وبلىسىنىڭ «ءتىل» وقۋ-ادىستىمەلىك ورتالىعى» كوممۋنالدىق مەملەكەتتىك مەكەمەسىنىڭ قاراساي اۋداندىق فيليالى لايىق دەپ تابىلدى. ەكىنشى ورىندى الماتى وبلىسىنىڭ «ءتىل» وقۋ-ادىستىمەلىك ورتالىعى» كوممۋنالدىق مەملەكەتتىك مەكەمەسىنىڭ قاپشاعاي قالالىق فيليالى، ءۇشىنشى ورىن الماتى وبلىسىنىڭ «ءتىل» وقۋ-ادىستىمەلىك ورتالىعى» كوممۋنالدىق مەملەكەتتىك مەكەمەسىنىڭ ۇيعىر اۋداندىق فيليالىنا بۇيىردى.
بايقاۋ جەڭىمپازدارىنا باسقارمانىڭ ارنايى ديپلومى مەن اقشالاي سىيلىعى تابىستالدى.
