Jetisýdyń kásipkerleri kóp balaly eki otbasy baspana syilady
Baspananyń birin Qoǵaly aýyldyq okrýginiń «Aqmaral» jeke sharýa qojalyǵynyń basshysy Bolat Burahanov óz atynan jomarttyq tanytyp, kóp balaly ana Ainur Qystaýbaevaǵa 4 bólmeli úi syilady.
– Balalarymnyń armany oryndaldy, biz úshin baspana basty másele ǵoi. Osy ýaqytqa deiin bes balamen úisiz, páter den páterge kóship júrgenmin. Osyndai jomart jandardyń jaqsylyǵynyń arqasynda, endi mine ózimizdiń shańyraǵymyz bar. Men óte qýanyshtymyn, – deidi jańa baspana iesi.
Dál osyndai qýanyshqa Kóksý aýylynyń turǵyny, alty birdei balanyń anasy Merýert Dolanbekova keneldi.
«Abyhan» jeke sharýa qojalyǵynyń basshysy Serik Abyqanov 4 bólmeli úidi ózi satyp alyp, anaǵa syiǵa tartty.
– Aýdanymyzda kóp balaly analar sany az emes, solardyn biri alty balanyń anasyna úidiń kiltin tabystap otyrmyn. Óńirimizde bastalǵan mundai qaiyrymdylyqtar ári qarai jalǵasyn taýyp, qazaqtyń ár-bir batyr analarynyń kóńili toq bolsyn, – deidi jeke kásipker.
Qýanyshtary qoinyna syimaǵan analar meiirimdi jandarǵa sheksiz alǵystaryn jetkizip, janarlaryna jas aldy.
Merýert MAHMUTJAN
