باسپانانىڭ ءبىرىن قوعالى اۋىلدىق وكرۋگىنىڭ «اقمارال» جەكە شارۋا قوجالىعىنىڭ باسشىسى بولات بۇراحانوۆ ءوز اتىنان جومارتتىق تانىتىپ، كوپ بالالى انا اينۇر قىستاۋبايەۆاعا 4 بولمەلى ءۇي سىيلادى.
– بالالارىمنىڭ ارمانى ورىندالدى، ءبىز ءۇشىن باسپانا باستى ماسەلە عوي. وسى ۋاقىتقا دەيىن بەس بالامەن ءۇيسىز، پاتەر دەن پاتەرگە كوشىپ جۇرگەنمىن. وسىنداي جومارت جانداردىڭ جاقسىلىعىنىڭ ارقاسىندا، ەندى مىنە ءوزىمىزدىڭ شاڭىراعىمىز بار. مەن وتە قۋانىشتىمىن، – دەيدى جاڭا باسپانا يەسى.
ءدال وسىنداي قۋانىشقا كوكسۋ اۋىلىنىڭ تۇرعىنى، التى بىردەي بالانىڭ اناسى مەرۋەرت دولانبەكوۆا كەنەلدى.
«ابىحان» جەكە شارۋا قوجالىعىنىڭ باسشىسى سەرىك ابىقانوۆ 4 بولمەلى ءۇيدى ءوزى ساتىپ الىپ، اناعا سىيعا تارتتى.
– اۋدانىمىزدا كوپ بالالى انالار سانى از ەمەس، سولاردىن ءبىرى التى بالانىڭ اناسىنا ءۇيدىڭ كىلتىن تابىستاپ وتىرمىن. وڭىرىمىزدە باستالعان مۇنداي قايىرىمدىلىقتار ءارى قاراي جالعاسىن تاۋىپ، قازاقتىڭ ءار-بىر باتىر انالارىنىڭ كوڭىلى توق بولسىن، – دەيدى جەكە كاسىپكەر.
قۋانىشتارى قوينىنا سىيماعان انالار مەيىرىمدى جاندارعا شەكسىز العىستارىن جەتكىزىپ، جانارلارىنا جاس الدى.
مەرۋەرت ماحمۇتجان
