Órt qysqa tolqyndy toqtardyń tuıyqtalýynan bolǵan. Ata-ana qaraýynsyz qalǵan 2017 jyly týylǵan Tarasova Sofıa, 2012 jyly týylǵan Tarasov Leonıd jáne 2005 jyly týylǵan Evnına Anastasıa órt jalynynan shyǵa almaı qalǵan.
Osy sátte jumysqa bara jatqan jigit tútindep jatqan úı ishinen bala daýysyn estı sala, órt sóndirýshilerge habarlasyp, ózi esh múdirmesten aıaǵymen úı terezesin shaǵyp kirgen.
– Bala daýysyn estı sala kómekke júgirdim. Qara tútinnen esikti tappaǵan soń terezeni shaǵyp kirdim. Eń birinshi eń kishkentaı qyzdy, odan soń ekinshi qyzdy shyǵardym. Aıaǵyma kirgen tereze áıneginen aıaǵymdy basa almaı qaldym. Úlken qyz ózi esik jaqqa kelgende qolynan tartyp aldym, – deıdi erlik ıesi Almas Ryızabekov.
Órt sóndirýshiler oqys oqıǵa bolǵan jerge jetip, órtti 14 mınýt ishinde sóndirdi. Balalardy qutqarý barysynda Almas Ryızabekov oń tizesinen jaraqattanyp, aýdandyq aýrýhanaǵa jetkizildi. Qazir Almastyń densaýlyǵyna qaýip tónip turǵan joq. Órtten aman qalǵan balalar týystaryna tapsyryldy. Balalardyń ákesi men anasynyń Almasqa aıtar alǵystary sheksiz.
