Jetisý oblysynda «Taza Qazaqstan» ekologiialyq aktsiiasynyń «Kieli meken» aptalyǵy aiasynda 40-qa jýyq tazalyq sharasy ótkiziledi. Máselen, Kerbulaq aýdanyndaǵy Sh. Ýálihanov atyndaǵy «Altynemel» memorialdy mýzeiinde jastar uiymdarynyń qatysýymen mýzei aýmaǵy abattandyrylady, – dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Shara sońynda jastarǵa tarihi muralardy tanystyrý maqsatynda ekskýrsiia ótkiziledi. Oblystyq qoǵamdyq damý basqarmasynyń málimetine qaraǵanda, aptalyq barysynda Iliias Jansúgirovtiń 130 jyldyǵy, Muhamedjan Tynyshpaevtyń 145 jyldyǵy, Ábilhan Qasteevtiń 120 jyldyǵyna orai tulǵalardyń aýdan-qalalardaǵy eskertkishterine tazalyq sharalary júrgiziledi. Atap ótsek, Jetisý oblysynda jalpy sany 13 mýzei, 1100 eskertkish bar, - dep habarlaidy Jetisý oblysy ákiminiń baspasóz qyzmeti.
Erteń, 16 sáýir kúni oblys aýmaǵynda 38 tazalyq sharasy ótkizilip, oǵan 10 myńǵa jýyq adam qatysady dep josparlanyp otyr. Sonyń ishinde Taldyqorǵan qalasyndaǵy Ortalyq, Jeńis jáne Ardagerler saiabaqtarynda ótetin tazalyq jumystaryna Chernobyl apatynyń saldaryn joiýǵa jáne Aýǵan soǵysyna qatysýshylar men eńbek ardagerleri muryndyq bolmaq. Bul rette osyndai tazalyq sharalary barlyq aýdan-qalalarda atqarylady.
Sol siiaqty Taldyqorǵan qalasy ákimidiginiń qoldaýymen qoǵamdyq uiymdar, atap aitqanda «Altyn adam kreativ ortalyǵy» qoǵamdyq birlestigi, «Kaz Eco Patrol» QB oblystyq filialy, «Bike Team» velosipedshiler qaýymdastyǵy, Jetisý oblystyq múgedekter qoǵamy, «Jastar rýhy» jastar uiymy «Taldyqorǵan – Petroglifter eliniń astanasy» ekofestivalin uiymdastyrady. Sonyń aiasynda «Qyzyl tas» saiajaiynyń mańynda «Jasyl Bolashaq» ekoaktsiiasyn, «Bul – bizdiń qoqys emes, biraq bul – bizdiń Jerimiz» ekologiialyq senbiligin ótkizip, bulaqtardyń kózin ashyp, aǵash otyrǵyzady.
