Jetisýdaǵy «Alacem» zaýyty 400-ge tarta adam jumyspen qamtyp, jyl saıyn 2 mlrd teńge salyq tóleıdi

Dalanews 03 naý. 2021 05:51 851

Óndirisi órkendegen ólkeniń áleýeti ári qaraı arta túspek. Aımaq qazynasyna túser túsimniń endigi úlesi «Alacem» sement zaýytyna tıesili bolmaq. Almaty oblysy, Kerbulaq aýdanyna qarasty Qyzyljar aýyldyq okrýginde oryn tepken bul nysannyń irge tasy 2018 jyly qalana bastalǵan boaltyn.

Qyzyljardaǵy sement zaýytynyń qurylysyna 40 gektar jer bólingen. Atalǵan aýmaqty kompanıa basshylyǵy jalǵa alǵan.

Zaýyt jylyna 1,2 mln tonna sement shyǵarýdy josparlap otyr. Zaýyt óniminiń 80%- yn Qazaqstannyń ishki naryǵynda, birinshi kezekte Almaty oblysynyń ózinde, 20%-yn Ortalyq Azıa, Mońǵolıa jáne Qytaı elderinde satpaq.

Jaýapty tulǵalardyń aıtýynsha, josparlanǵan salyq túsimderi jylyna 2 mlrd teńgeden astam somany quraýy tıis. Sondaı-aq, jergilikti mamandar úshin 386 jumys orny qurylady.


Zaýyttyń iske qosylýyna 47 mlrd teńge ınvestısıa tartylǵan. Investor qazaqstandyq-sıngapýrlyq «Alacem» kompanıasy bolyp tabylady, onyń quryltaıshysy iri qazaqstandyq bıznesmen Nurjan Shakırov. «Alacem» kompanıasyndaǵy Sıngapýr memleketiniń «Compact  Metal Industries LTD» kompanıasynyń úlesi – 40%-dy quraıdy.  İri óndiris nysany aǵymdaǵy jyly 31 naýryzda iske qosylmaq.

Aıta keteıik, aǵymdaǵy jyly óńirimizde «GreenLandAlatau», «Prıma Qus»,   «ZhetysuKoy» JSHS, «Eurasian green product» JSHS jylyjaıy, «KS Genetics Switzerland SA» mal sharýashylyq kesheni syndy  iri jobalar  óz jumysyn bastaıdy.

 Anar SABYROVA, Almaty oblysy.

Usynylǵan
Sońǵy jańalyqtar