Qyzyljardaǵy tsement zaýytynyń qurylysyna 40 gektar jer bólingen. Atalǵan aýmaqty kompaniia basshylyǵy jalǵa alǵan.
Zaýyt jylyna 1,2 mln tonna tsement shyǵarýdy josparlap otyr. Zaýyt óniminiń 80%- yn Qazaqstannyń ishki naryǵynda, birinshi kezekte Almaty oblysynyń ózinde, 20%-yn Ortalyq Aziia, Mońǵoliia jáne Qytai elderinde satpaq.
Jaýapty tulǵalardyń aitýynsha, josparlanǵan salyq túsimderi jylyna 2 mlrd teńgeden astam somany quraýy tiis. Sondai-aq, jergilikti mamandar úshin 386 jumys orny qurylady.
Zaýyttyń iske qosylýyna 47 mlrd teńge investitsiia tartylǵan. Investor qazaqstandyq-singapýrlyq «Alacem» kompaniiasy bolyp tabylady, onyń quryltaishysy iri qazaqstandyq biznesmen Nurjan Shakirov. «Alacem» kompaniiasyndaǵy Singapýr memleketiniń «Compact Metal Industries LTD» kompaniiasynyń úlesi – 40%-dy quraidy. Iri óndiris nysany aǵymdaǵy jyly 31 naýryzda iske qosylmaq.
Aita keteiik, aǵymdaǵy jyly óńirimizde «GreenLandAlatau», «Prima Qus», «ZhetysuKoy» JShS, «Eurasian green product» JShS jylyjaiy, «KS Genetics Switzerland SA» mal sharýashylyq kesheni syndy iri jobalar óz jumysyn bastaidy.
Anar SABYROVA, Almaty oblysy.
