Jetisýda Ult josparynyń oryndalý barysy talqylandy
Lazzat Turlashovtyń aitýynsha, oblysta arnaiy komissiia men 5 jumys toby jumys isteidi, Ult josparyn júzege asyrýdyń jospary ázirlenip, ol turaqty túrde jańartylyp otyrady.
Jiyn barysynda alǵashqy bolyp oblys ákimi apparatynyń basshysy Batyrjan Baijumanov «Zamanaýi memlekettik apparatty qurý» taqyrybynda baiandama jasady.
B. Baijumanovtyń málimetine súiensek, biylǵy jyldyń 9 aiynda jergilikti atqarýshy organǵa memlekettik qyzmettiń alǵashqy satysyna 437 azamat kirdi. «Qazaqstan Respýblikasyndaǵy memlekettik qyzmet týraly» Zańynyń 3 qadamyn oryndaý maqsatynda irikteýdiń úsh satyly júiesi engizildi: memlekettik qyzmetke kirý úshin kandidattar zańnamalardy bilý deńgeiin anyqtaityn tekstileýden, jeke basynyń qasietterin baǵalaýdan, sol siiaqty memlekettik organda kásibi bilimi boiynsha áńgimelesýden ótedi. Memlekettik organdar tarapynan esepti kezeńde baqylaýshylar men sarapshylardyń qatysýymen 463 áńgimelesý ótkizildi. Sonymen qatar oblystyń barlyq memlekettik organdarynda «B» korpýsyndaǵy ákimshilik memlekettik qyzmetshilerdiń qyzmetin baǵalaý jónindegi komissiialar bekitilgen. Máselen, biylǵy jyldyń 2-toqsanynda oblys boiynsha 3366 memlekettik qyzmetker baǵalanýǵa tiis bolsa, sonyń 3331-i baǵalaýdan ótti, olardyń 430-y – «óte jaqsy», 2257-si – «tiimdi», 644-i – «qanaǵattanarlyq» degen baǵaǵa ielendi.
Ult josparynyń 3 pen 5 qadamdary boiynsha oblys ákiminiń orynbasary Jeńis Tuiaqov baiandady. «Indýstriialandyrý jáne ekonomikalyq ósim» atty 3-baǵytyna sáikes oblysta investitsiia baǵytynda belsendi jumys júrgizilýde. Máselen, Transulttyq ulttyq kompaniialardyń qatysýymen quny 144,7 mlrd. teńgelik 5 jobany júzege asyrý kózdelip otyr. Sonyń negizinde 2500 jumys orny qurylady dep kútilýde. Atap aitqanda, «Ekokýltýra» agroholdingi jylyjaiynyń qurylysy, «Baýman» kompaniiasynyń qoi etin óńdeitin zaýyty, kartop óńdeitin «Farm Frites», mai shyǵaratyn «LÝKOIL Lýbrikants», «Rolton» brendimen azyq-túlik shyǵaratyn «Mareven Fýd Tian-Shan» kásiporyndaryn aitýǵa bolady. Sút jáne sút taǵamdaryn óndirý isin damytý úshin Alakól aýdanynda «Qaiyńdy» JShS-men birlesip qýattylyǵy táýligine 100 tonna sút óńdeitin óńdeý zaýyty men 3 myń basqa arnalǵan sút-taýarly zamanaýi ferma salatyn germaniialyq investor «Agrila» kompaniiasy tartylǵan. Búgingi kúni sút baǵytynda 4807 qojalyqty biriktirgen 39 kooperativ quryldy. Jambyl aýdanynda irandyq «Imperiia Fýd» kompaniiasy quny 2,3 mlrd. teńgelik, qýaty 8 tonnalyq, 30 jumys ornyn quratyn et kombinatyn salyp jatyr. Jyl basynan beri etti baǵytta 6435 sharýashylyqtyń basyn qosqan 64 kooperativ quryldy. Týrizm salasynda strategiialyq investorlardy tartý baǵytynda jumystar júrgizilýde. Respýblikalyq qanatqaqty jobalardyń tizimine «Aqbulaq» halyqaralyq týristik ortalyǵy engizildi, investory – «Stepp Capital» AQ.
Sol siiaqty jiyn barysynda «Zańnyń ústemdigin qamtamasyz etý» jumys tobynyń músheleri Almaty oblysynyń ádilet departamenti basshysynyń orynbasary Barlyq Tórehanov, jergilikti politsiia qyzmetiniń basshysy Marat Kúshtibaev, oblystyq sáýlet jáne qalaqurylysy basqarmasy basshysynyń orynbasary Qobylan Manapov sóz aldy.
Tórtinshi jumys tobynyń jumysy týraly top jetekshisiniń orynbasary, Almaty oblystyq QHA hatshylyǵynyń meńgerýshisi Ǵabit Tursynbai aityp berdi. Jospardyń 99-shy qadamynyń oryndalý barysy jaiynda oblystyq máslihat hatshysy, besinshi jumys tobynyń basshysy Sultan Dúisembinov baiandady. Onyń aitýynsha, esepti kezeńde Qoǵamdyq keńes 6 otyrys, 3 tyńdaý ótkizip, jergilikti atqarýshy organ basshylarynyń esebi 3 ret tyńdalǵan, sol siiaqty túrli mazmundaǵy 35 másele qaralǵan.
Jiyn qorytyndysynda oblys ákiminiń birinshi orynbasary Lazzat Turlashov birqatar tapsyrmalar berdi. Oblystyq komissiia otyrysyn jylyna 2 ret, qajet jaǵdaida toqsan saiyn ótikizip turý tapsyryldy. Jumys toptaryna barlyq baǵyttaǵy jumystardy kúsheitý qajettigi eskertildi.
Almaty oblysy ákiminiń baspasóz qyzmeti
https://dalanews.kz/31146
