لاززات تۇرلاشوۆتىڭ ايتۋىنشا، وبلىستا ارنايى كوميسسيا مەن 5 جۇمىس توبى جۇمىس ىستەيدى، ۇلت جوسپارىن جۇزەگە اسىرۋدىڭ جوسپارى ازىرلەنىپ، ول تۇراقتى تۇردە جاڭارتىلىپ وتىرادى.
جيىن بارىسىندا العاشقى بولىپ وبلىس اكىمى اپپاراتىنىڭ باسشىسى باتىرجان بايجۇمانوۆ «زاماناۋي مەملەكەتتىك اپپاراتتى قۇرۋ» تاقىرىبىندا بايانداما جاسادى.
ب. بايجۇمانوۆتىڭ مالىمەتىنە سۇيەنسەك، بيىلعى جىلدىڭ 9 ايىندا جەرگىلىكتى اتقارۋشى ورگانعا مەملەكەتتىك قىزمەتتىڭ العاشقى ساتىسىنا 437 ازامات كىردى. «قازاقستان رەسپۋبليكاسىنداعى مەملەكەتتىك قىزمەت تۋرالى» زاڭىنىڭ 3 قادامىن ورىنداۋ ماقساتىندا ىرىكتەۋدىڭ ءۇش ساتىلى جۇيەسى ەنگىزىلدى: مەملەكەتتىك قىزمەتكە كىرۋ ءۇشىن كانديداتتار زاڭنامالاردى ءبىلۋ دەڭگەيىن انىقتايتىن تەكستىلەۋدەن، جەكە باسىنىڭ قاسيەتتەرىن باعالاۋدان، سول سياقتى مەملەكەتتىك ورگاندا كاسىبي ءبىلىمى بويىنشا اڭگىمەلەسۋدەن وتەدى. مەملەكەتتىك ورگاندار تاراپىنان ەسەپتى كەزەڭدە باقىلاۋشىلار مەن ساراپشىلاردىڭ قاتىسۋىمەن 463 اڭگىمەلەسۋ وتكىزىلدى. سونىمەن قاتار وبلىستىڭ بارلىق مەملەكەتتىك ورگاندارىندا «ب» كورپۋسىنداعى اكىمشىلىك مەملەكەتتىك قىزمەتشىلەردىڭ قىزمەتىن باعالاۋ جونىندەگى كوميسسيالار بەكىتىلگەن. ماسەلەن، بيىلعى جىلدىڭ 2-توقسانىندا وبلىس بويىنشا 3366 مەملەكەتتىك قىزمەتكەر باعالانۋعا ءتيىس بولسا، سونىڭ 3331ء-ى باعالاۋدان ءوتتى، ولاردىڭ 430-ى – «وتە جاقسى»، 2257ء-سى – «ءتيىمدى»، 644ء-ى – «قاناعاتتانارلىق» دەگەن باعاعا يەلەندى.
ۇلت جوسپارىنىڭ 3 پەن 5 قادامدارى بويىنشا وبلىس اكىمىنىڭ ورىنباسارى جەڭىس تۇياقوۆ باياندادى. «يندۋستريالاندىرۋ جانە ەكونوميكالىق ءوسىم» اتتى 3-باعىتىنا سايكەس وبلىستا ينۆەستيسيا باعىتىندا بەلسەندى جۇمىس جۇرگىزىلۋدە. ماسەلەن، ترانسۇلتتىق ۇلتتىق كومپانيالاردىڭ قاتىسۋىمەن قۇنى 144،7 ملرد. تەڭگەلىك 5 جوبانى جۇزەگە اسىرۋ كوزدەلىپ وتىر. سونىڭ نەگىزىندە 2500 جۇمىس ورنى قۇرىلادى دەپ كۇتىلۋدە. اتاپ ايتقاندا، «ەكوكۋلتۋرا» اگروحولدينگى جىلىجايىنىڭ قۇرىلىسى، «باۋمان» كومپانياسىنىڭ قوي ەتىن وڭدەيتىن زاۋىتى، كارتوپ وڭدەيتىن «Farm Frites»، ماي شىعاراتىن «لۋكويل لۋبريكانتس»، «رولتون» برەندىمەن ازىق-تۇلىك شىعاراتىن «ماريەۆەن فۋد تيان-شان» كاسىپورىندارىن ايتۋعا بولادى. ءسۇت جانە ءسۇت تاعامدارىن ءوندىرۋ ءىسىن دامىتۋ ءۇشىن الاكول اۋدانىندا «قايىڭدى» جشس-مەن بىرلەسىپ قۋاتتىلىعى تاۋلىگىنە 100 توننا ءسۇت وڭدەيتىن وڭدەۋ زاۋىتى مەن 3 مىڭ باسقا ارنالعان ءسۇت-تاۋارلى زاماناۋي فەرما سالاتىن گەرمانيالىق ينۆەستور «Agrila» كومپانياسى تارتىلعان. بۇگىنگى كۇنى ءسۇت باعىتىندا 4807 قوجالىقتى بىرىكتىرگەن 39 كووپەراتيۆ قۇرىلدى. جامبىل اۋدانىندا يراندىق «يمپەريا فۋد» كومپانياسى قۇنى 2،3 ملرد. تەڭگەلىك، قۋاتى 8 توننالىق، 30 جۇمىس ورنىن قۇراتىن ەت كومبيناتىن سالىپ جاتىر. جىل باسىنان بەرى ەتتى باعىتتا 6435 شارۋاشىلىقتىڭ باسىن قوسقان 64 كووپەراتيۆ قۇرىلدى. تۋريزم سالاسىندا ستراتەگيالىق ينۆەستورلاردى تارتۋ باعىتىندا جۇمىستار جۇرگىزىلۋدە. رەسپۋبليكالىق قاناتقاقتى جوبالاردىڭ تىزىمىنە «اقبۇلاق» حالىقارالىق تۋريستىك ورتالىعى ەنگىزىلدى، ينۆەستورى – «Stepp Capital» اق.
سول سياقتى جيىن بارىسىندا «زاڭنىڭ ۇستەمدىگىن قامتاماسىز ەتۋ» جۇمىس توبىنىڭ مۇشەلەرى الماتى وبلىسىنىڭ ادىلەت دەپارتامەنتى باسشىسىنىڭ ورىنباسارى بارلىق تورەحانوۆ، جەرگىلىكتى پوليسيا قىزمەتىنىڭ باسشىسى مارات كۇشتىبايەۆ، وبلىستىق ساۋلەت جانە قالاقۇرىلىسى باسقارماسى باسشىسىنىڭ ورىنباسارى قوبىلان ماناپوۆ ءسوز الدى.
ءتورتىنشى جۇمىس توبىنىڭ جۇمىسى تۋرالى توپ جەتەكشىسىنىڭ ورىنباسارى، الماتى وبلىستىق قحا حاتشىلىعىنىڭ مەڭگەرۋشىسى عابيت تۇرسىنباي ايتىپ بەردى. جوسپاردىڭ 99-شى قادامىنىڭ ورىندالۋ بارىسى جايىندا وبلىستىق ءماسليحات حاتشىسى، بەسىنشى جۇمىس توبىنىڭ باسشىسى سۇلتان دۇيسەمبىنوۆ باياندادى. ونىڭ ايتۋىنشا، ەسەپتى كەزەڭدە قوعامدىق كەڭەس 6 وتىرىس، 3 تىڭداۋ وتكىزىپ، جەرگىلىكتى اتقارۋشى ورگان باسشىلارىنىڭ ەسەبى 3 رەت تىڭدالعان، سول سياقتى ءتۇرلى مازمۇنداعى 35 ماسەلە قارالعان.
جيىن قورىتىندىسىندا وبلىس اكىمىنىڭ ءبىرىنشى ورىنباسارى لاززات تۇرلاشوۆ ءبىرقاتار تاپسىرمالار بەردى. وبلىستىق كوميسسيا وتىرىسىن جىلىنا 2 رەت، قاجەت جاعدايدا توقسان سايىن وتىكىزىپ تۇرۋ تاپسىرىلدى. جۇمىس توپتارىنا بارلىق باعىتتاعى جۇمىستاردى كۇشەيتۋ قاجەتتىگى ەسكەرتىلدى.
الماتى وبلىسى اكىمىنىڭ باسپا ءسوز قىزمەتى
https://dalanews.kz/31146
