Jetisýda «Táýelsizdik urpaqtary» grantynyń iegerleri anyqtaldy
Grant iegerlerine jobalaryn sátti júzege asyrý úshin 3 mln teńgeden berildi. Solardyń qatarynda «Ǵylym» baǵyty boiynsha «Kámeletke tolmaǵan jasóspirimderdiń psihologiialyq densaýlyǵyn nyǵaitý jáne sýitsidtik minez-qulyqtyń aldyn alý» jobasyn usynǵan Janserik Baidenov sýitsidtik áreketke beiim, ómirlik qiyn jaǵdaiǵa tap bolǵan, sátsiz otbasynda ósken 12-16 jas aralyǵyndaǵy jasóspirimderdiń psihologiialyq densaýlyǵyn nyǵaitý men sýitsidtik minez-qulyqtyń aldyn alý boiynsha keshendi zertteý júrgizbekshi.
Al Saltanat Jaqsylyqova Úshtóbe qalasynda aýdandyq kitaphananyń janynan zamanaýi quraldarmen jabdyqtalǵan kovorking ortalyǵyn ashpaq niette. Ol bul ortalyqty jastardy kitap oqýǵa tartatyn, sonymen qatar túrli seminarlar, dárister, treningter ótkizýge bolatyn bilim ordasyna ainaldyrmaq.
Aqparattyq tehnologiia boiynsha «Galografiialyq 3D ventiliator» jobasymen grant utqan Jalǵas Manarhan óz bastamasy jaily bylai deidi: – Galografiialyq 3D ventiliator degenimiz – úsh ólshemdi keskin proektsiiasyn aýada «qalqytyp» turatyn tehnologiialyq ázirleme.
Joba Jetisý oblysy kóleminde innovatsiialyq jarnamalyq qyzmetterdi usynýdy maqsat etedi. Jobany qoldaný aiasy keń. Ventiliatorlardy metro, áýejai, saýda ortalyqtarynda, avtosalondarda, býtikterde, qonaqúilerde jáne basqa da halyq kóp shoǵyrlanǵan aimaqtarda paidalanýǵa bolady. Bul tek aqparattyq displei ǵana emes, B2B segmentine arnalǵan jarnamalyq qural, – deidi ol.
Sondai-aq, media salasynda Atamura Musahanov «Qasqyr ulyǵan túnde» qysqametrajdy filmin túsirýdi qolǵa alsa, Dias Nabi mobilografiialyq qyzmetter usynbaq. Budan ózge de grant utqan qyzyqty jobalardy jetisýlyq jastar bir jyl kóleminde júzege asyrmaq.
