Elbasynyń «Qazaqstan – 2050» Strategiiasynda turǵyndardy otandyq azyq-túlikpen qamtý memlekettiń basty baǵdary retinde belgilenip, azyq-túlik qaýipsizdigin qamtamasyz etý mindeti qoiylǵan bolatyn. Bul rette Almaty oblysynda qant qyzylshasy men shektes salalardy damytý maqsatynda «Jetisý» ÁKK servistik daiyndaý ortalyqtaryn qurdy.
Bul shara oblystaǵy agroónerkásiptik keshendi damytýdyń tiimdiligin arttyrý, aýyl sharýashylyǵy taýar óndirýshilerin kooperatsiialaý, mashina-traktor parkteriniń tehnikalaryn jańartý, jańa jumys oryndaryn ashý, sol arqyly aýyl halqynyń turmysyn jaqsartý maqsatynda atqarylyp otyr.
Máselen, oblystyq aýyl sharýashylyǵy basqarmasynyń málimetine qaraǵanda, 2011-2019 jyldar aralyǵynda jalpy sany 45 SDO qurylǵan. Sonyń ishinde 29 SDO qant qyzylshasy baǵyty boiynsha, 7 SDO – dándi daqyldar, 3 SDO – kartop, qalǵandary kókónis, júgeri, kúrish, mal azyǵy baǵyttary boiynsha jumys isteidi.
Bul ortalyqtar oblystyń 13 óńirin qamtyp otyr. Lizingige 1 116 birlik aýyl sharýashylyǵy tehnikasy men qural-jabdyqtary berildi. Sonymen qatar 250 aýyl sharýashylyǵy taýar óndirýshileri men sharýa qojalyqtary biriktirýge múmkindik jasady. 12 700 jańa jumys oryndary quryldy, sonyń 700-i – turaqty 12 myńy – maýsymdyq jumys oryndary. Ortalyqtar jyl saiyn 850-900 shaǵyn jáne orta sharýa qojalyqtaryna qyzmet kórsetedi. Jylyna 28 00 ga egis alqaptaryn óńdeýge úles qosyp otyr.
Jalpy satyp alynǵan aýyl sharýashylyǵy tehnikalary joǵary ónimdilikti jáne zaman talabyna sai, olar negizinen Claas (Germaniia), John Deere (AQSh), Amity Technology (AQSh), Franz Kleine (Resei), Grimme (Niderland), DEUTZ-FAHR (Germaniia), Monosem (Frantsiia), Top-Down (Shvetsiia), Kverneland (Norvegiia), YTO International (QHR), Rostselmash, Belarýs, Agromash Holding jáne basqa da álemniń jetekshi zaýyt-óndirýshilerinen jáne olardyń resmi dilerlerinen satyp alyndy.
Bul sharalardyń barlyǵy da agroónerkásiptik keshendi damytýda mýltiplikativti áser beretin bolady.
Almaty oblysy ákiminiń baspasóz qyzmeti
