Almaty oblysy bilim basqarmasy óńirdegi barsha ustaz ben oqýshynyń saýatty bilim nárimen sýsyndaýyna bar jaǵdaidy jasap baǵýda.
Urpaqqa bilim beretin muǵalimder qaýymynyń jalpy sany oblys kóleminde 41 625-ti quraidy. Barlyǵy derlik kompiýtermen jabdyqtalǵan deidi mamandar. Ustazdar qaýymynyń 49,9%-y, jeke limitsiz internet jelisine jáne 3G/4G – 45,7%-y qosylǵan.
Jarqyn bolashaqtyń erteńgi ieleri oqýshylardyń 57,4%-nyń kompiýteri nemese noýtbýgi bar. Deiturǵanmen atalǵan qurylǵyǵa qoly jetpei otyrǵandar da tabylady. Olardyń sany 95 105. Bul máseleniń kúrmeýi sheshiletin kún alys emes deidi óńirdiń bas ustazy Maigúl Omarova.
Osy tektes jumystardy retke keltirý úshin áýeli mektepterdegi 23 678 kompiýter oqýshylarǵa ýaqytsha paidalanýǵa berilgen. Sondai-aq, oqý jylynyń basynda bilim alýshylarǵa demeýshiler esebinen 445 kompiýter, 503 noýtbýk, 661 planshet, sonymen qatar, oblystyq biýdjetten 6000 noýtbýk taratylǵan.
Bul baǵyttaǵy amaldar tolastar emes. 20 myń kompiýterlik tehnika satyp alýǵa 4 mlrd teńge qarjy bólingen. Al respýblikalyq biýdjet esebinen 55 686 birlik kompiýterlik tehnika berildi, bul kompiýterlik tehnika 51 254 az qamtylǵan otbasy balalaryna, 1 682 jetim, 2 750 erekshe bilim berýdi qajet etetin balalarǵa tabystalmaq. Sonymen qatar 5 mlrd teńge kólemindegi qarjyǵa memlekettik-jekemenshik áriptestik aiasynda 20 myń birlik kompiýterlik tehnika alý josparlanǵan, satyp alý jumystary júrgizilýde.
Bilim berý júiesindegi jumys munymen toqtalǵan joq. Internetke qosylý isi de jolǵa qoiylǵan. Jergilikti biýdjetten 38 994 roýter satyp alýǵa qosymsha 730 mln teńge qarajat bólindi, roýterlar 5 qazanǵa deiin satyp alynady.
Esterizge salamyz, oblys boiynsha 760 mektepte 430 206 bala bilim alýda, 1 synypqa 47 myńnan astam bala qabyldandy.
– Búgingi kúni 189 mektepte 15 681 bala shtatyq rejimde, 571 mekteptiń 370 761 oqýshysy qashyqtyqtan oqytylýda. Sonymen qatar, mektepterde 1-4 synyp oqýshylary úshin ata-analarynyń ótinishi negizinde 3742 kezekshi synyp uiymdastyryldy, onda 46602 oqýshy bilim alýda. 18 tamyzdan bastap 678 mektepke deiingi bilim berý mekemelerinde 2021 kezekshi top jumys isteýde, 26882 bala qamtylǵan.Sonymen qatar, 6 arnaiy mektep internaty, 40 qosymsha bilim berý mekemeleri qashyqtyqtan jumys jasaidy, – deidi Almaty oblysy bilim basqarmasynyń basshysy Maigúl Omarova.
