Almaty oblysynyń áleýetin kóterýge úles qosyp otyrǵan zaýyttyń biri aliýminii profilin shyǵarýmen ainalysady. Óndiris ornynyń jumysty bastaǵanyna 5 jyl boldy.
Zaýytta qazir Ile aýdanynyń 150 turǵyny eńbek etedi. Kásiporyn ai saiyn 1200 tonna daiyn ónimdi ázirleidi. Óndiris oshaǵy ozyq tehnologiialarmen jabdyqtalǵan. Bul óz kezeginde daiyn ónimdi shetel naryǵyna da shyǵarýǵa múmkindik berýde.
Kásiporynda jasalynatyn otandyq ónimniń baǵasy birshama qymbat. Zaýyt basshylyǵy qajetti shiki zat baǵasynyń qymbat bolǵandyqtan ónim baǵasyna áser otyrǵanyn alǵa tartty.
Údemeli indýstrialdy-innovatsiialyq damý baǵdarlamasy aiasynda qolǵa alynǵan taǵy bir óndiristik nysan farmatseptika zaýyty. Jylyna 1,5 milliard tabletka men kapsýla shyǵaratyn kásiporynyń daiyn ónim otandyq naryqpen qosa Grýziia, Ázirbaijan, Aýǵanstan, Ózbekstan men Qyrǵyzstanǵa eksporttalýda.
Joǵary da ataǵan baǵdarlama boiynsha oblysta sońǵy ótken 10 jyldyń ishinde 64 óndiris oshaǵy óz jumysyn bastaǵan. 10 myńnan astam jańa jumys oryny ashyldy.
Anar SABYROVA, Almaty oblysy.
https://dalanews.kz/53482
