Biyl Jetisý oblysynda jańa oqý jyly bastalǵanǵa deiin «Keleshek mektebi» jobasymen Alakól aýdany Dostyq aýylynda 600 oryndyq orta mekteptiń, sondai-aq Panfilov aýdany Lesnovka aýylynda 300 oryndyq orta mekteptiń qurylysy aiaqtalyp, iske qosylady. Sol siiaqty Aqsý, Kerbulaq aýdandarynda taǵy eki mektep jyldyń sońyna deiin qoldanysqa beriledi. Oǵan qosa taǵy 8 bilim berý nysanyna kúrdeli jóndeý júrgizilýde, sonyń 6-ýynyń qurylys jumystary jyl sońyna deiin aiaqtalady,- dep habarlaidy Dalanews.kz
Oblystyq bilim basqarmasynyń málimetine súiensek, qazir bilim mekemelerinde jańa oqý jylyna daiyndyq qyzý júrip jatyr. Sonyń ishinde jylytý maýsymyna daiyndyq jumystary da basty nazarǵa alynǵan. Bilim berý mekemelerine búgingi kúnge suiyq jáne qatty otyn, sol siiaqty pellet otyny jetkizilýde. Materialdyq-tehnikalyq bazany nyǵaitýǵa kóńil bólinip, jyl sońyna deiin 58 mekteptiń sport zaldary men ashanalary jańartylady, 70 pán kabinetteri satyp alynady.
- Jalpy bilim berý qorynan 25 229 áleýmettik jaǵdaiy tómen otbasynyń balalaryna mektep formasy men keńse taýarlaryn alýǵa 1,1 mlrd. teńge bólindi. Búgingi kúni atalǵan qarajat ata-analardyń jeke esep shottaryna tolyǵymen aýdaryldy. 1-4 synyp oqýshylary jáne 5-11 synyptyń áleýmettik osal otbasy balalary tegin ystyq tamaqpen qamtylady. Sol siiaqty oqýshylar tasymaly máselesi de nazarymyzda. Jalpy oblysta 87 eldi mekennen 2113 oqýshy tasymaldanady. Oqýshylardyń qaýipsiz ári jaily tasymaly úshin biyl jergilikti biýdjet esebinen qosymsha 8 avtokólik satyp alyndy, - deidi oblystyq bilim basqarmasynyń basshysy Dáýren Júnisov.
Jalpy jańa 2025-2026 oqý jylynda Jetisý oblysynda oqýshylar kontingenti 131 myńnan asady dep kútilýde, onyń ishinde 1-synyp oqýshylary 13 myńnan asady. Oblys kolledjderine 4,5 myń stýdent qabyldaý josparlanǵan.
