Taldyqorǵan qalasynda kópten kútken 55 otbasy páter kiltin qoldaryna aldy. Jańa qonys ielerin osyndai aitýly oqiǵamen Almaty oblysy ákiminiń birinshi orynbasary Lázzat Turlashov quttyqtady.
– Memlekettik baǵdarlamalardy tabysty iske asyrýdyń arqasynda bizdiń táýelsiz memleketimizde ekonomika nyǵaiyp, Infraqurylym jaqsarýda, oblystyń qalalary men aýyldarynyń ómir súrý deńgeii men kelbetin edáýir jaqsartatyn jańa áleýmettik jáne mádeni nysandar paida bolýda.155 kottedjdiń qurylysyna jergilikti biýdjetten 1,5 milliard teńge bólindi, al 55 páterdi búgin, Astana kúnine orai beremiz. Barshańyzdy merekemen jáne qonys toiymen shyn júrekten quttyqtaimyn, – dedi ol.
«Kóktem» shaǵyn aýdanynda bes qabatty úi «Nurly jer» baǵdarlamasyn júzege asyrý aiasynda salyndy. Úidegi páterlerdiń jalpy sany – 55, onyń ishinde 15 – bir bólmeli, 15 – eki bólmeli, 20 –úsh bólmeli, 5 – tórt bólmeli. Turǵyn úi qurylys jinaq bankiniń salymshylary «Shańyraq» baǵdarlamasy boiynsha páterlerge ie boldy.
– Mine, kópten kútken kún keldi. Men tipti kútken joqpyn. Búgin biz ózimizdiń eki bólmeli páterimizge ie boldyq. Biz bul sátti uzaq kúttik. Barshańyzdy Astana kúnimen quttyqtaimyz. Bul úi biz úshin, Qazaqstan Táýelsizdiginiń 30 jyldyǵyna arnalǵan eń úzdik syilyq dep sanaimyn, – dedi Muratbek Baltabekov.
Sondai-aq, Astana kúnin merekeleý qarsańynda Eńbekshiqazaq aýdanynyń Esik qalasynda 30 otbasy páter kiltterine ie boldy. Páter ieleri qatarynda jetim balalar, múmkindigi shekteýli jandar jáne halyqtyń áleýmettik osal toptarynyń ókilderi bar. Ekinshi shaǵyn aýdanda ornalasqan Jańa 30 páterli úi «Nurly jer» memlekettik baǵdarlamasy boiynsha salyndy. Turǵyn úi janynda barlyq áleýmettik qajetti nysandar bar.
Sondai-aq, qapshaǵailyq 50 otbasyda qýanyshqa kenelip, úili boldy. Sonymen qatar, Ótegen batyr aýylynda 60 páterli kóp qabatty turǵyn úi paidalanýǵa berildi. Úidiń janynda balalar alańy salynyp, turǵyndar úshin barlyq jaǵdai jasalǵan.
Táýelsizdiktiń 30 jyldyǵyn merekeleý jyly taǵy da kópten kútken qýanysh – Jambyl aýdanynda dárigerlik ambýlatoriianyń paidalanýǵa berilýi, Ile aýdanynda mekteptiń jáne Tekeli qalasynda qonaq úi kesheniniń ashylýy boldy.
Eki zamanaýi ambýlatoriia Elorda kúni qarsańynda Jambyl aýdanynda esigin aiqara ashty. Endi Úńgirtas jáne Qarasý aýyldarynyń turǵyndaryna eń jaqsy meditsinalyq qyzmetter qol jetimdi bolady. Úńgirtas aýylynyń emhanasynda 58 em-dom bólmesi bar. Olardyń arasynda eresekter men balalarǵa arnalǵan qabyldaý bólmesi, stomatolog, ginekolog, terapevt kabineti, zerthana, tańý, feldsherlik, akýsherlik pýnktter jáne kúndizgi statsionar bar.
– Jańa aýrýhana zamanaýi meditsinalyq jabdyqtarmen jabdyqtalǵan. Mekeme ýaqyttyń barlyq talaptaryna sáikes keledi. Aýysymǵa 35 adamǵa deiin qabyldaý múmkindigi bar, barlyǵy aýyldyq okrýgte 4590 turǵyn bar. Ujym 12 qyzmetkerden turady. Bizdiń aýrýhananyń dárigerleri men medbikeleri adamdarǵa laiyqty kómek kórsetedi dep senemin, – dedi ambýlatoriia meńgerýshisi Baǵlan Tobajanov.
Sonymen qatar, Ashybulaq aýyldyq okrýginde Elorda kúnine orai 650 oryndyq «Montessori akademy» jekemenshik mektebi ashyldy.
Saltanatty sharaǵa aýdan ákimi Baǵdat Qarasaev qatysty. Bul aýdanda ashylatyn jetinshi mektep. Informatika, ádebiet, mýzyka kabinetteri, bi zaly jáne sport zaly bar. Mektepishilik ónerdi damytý basty maqsat bolǵandyqtan, sýretshilerge arnalǵan jeke bólme bar.
Aita keteiik, bul oqý ornynda balalar Montessori ádistemesi boiynsha bilim alatyn bolady.
– Qazaqstan Respýblikasy Táýelsizdiginiń 30 jyldyǵyn merekeleý aiasynda Tekeli qalasynda Jońǵar Alataýynyń baýraiynda ornalasqan jańa «VUSLAT» qonaq úi kesheniniń lentasy qiyldy.
Qonaq úide jaily demalys ótkizý múmkindigimen qatar «VUSLAT» tujyrymdamasyna ekotýrizm qaǵidalary da engizilgen. Týrister úshin Qazaqstannyń eń biik sarqyramasy – Burhan-bulaqqa shyǵý jáne jaiaý júrý marshrýttary qarastyrylǵan. Qysta shańǵy bazasyna barý múmkindigi bar. Qonaq úi kesheniniń qurylysyna 200 mln teńge investitsiia tartylyp, 12 turaqty jumys orny ashyldy.
