Jetisý oblysynda egis naýqany aiaqtalýǵa jaqyn. Josparlanǵan jazdyq daqyldardyń 91,5%, qant qyzylshasynyń 12,1 myń gektary sebildi, dep habarlaidy Dalanews.kz
Qant qyzylshasyn sebý 15 mamyrda, dándi daqyldar 1 maýsymǵa deiin tolyǵymen aiaqtalady dep kútilýde. Kóktemgi dala jumystaryna 20,6 myń birlik aýyl sharýashylyǵy tehnikasy tartylǵan.
Biylǵy jylǵa arzandatylǵan dizel otynynyń bekitilgen kólemi 5,5 myń tonna bolsa, onyń 3,2 myńy oblysqa jetkizildi. Sol siiaqty josparlanǵan 58,8 myń tonna tyńaitqyshtyń 44,8 myń tonnasy satyp alynyp, qoldanylýda.
- Kóktemgi dala jumystary men egin jinaý naýqanyna Agrarlyq nesie korporatsiiasy arqyly 14,3 mlrd.teńge bólindi, búgingi tańda 5,1 mlrd. teńgesi 198 sharýashylyqqa berildi. Al vegetatsiialyq kezeń týraly aitsaq, eginge sý berý jumystary bastaldy. Sýarýǵa 1 mlrd. tekshe metri sý beriledi dep josparlap otyrmyz. Biyl shegirtke tektes ziiankesterge qarsy himiialyq óńdeý jumystary 114,8 myń ga jerde júrgiziledi. Bul óńdeý jumystary búginnen bastaldy. Jalpy oǵan 5 áýe ushaǵy, 4 dron jáne 17 birlik jer ústi búrikkishteri jumyldyrylady, shoǵyrlanǵan jerlerin anyqtaý jumystaryna 204 adam jáne 79 avtokólik tartylady. Oǵan respýblikalyq jáne jergilikti biýdjetten biyl 455,8 mln. teńge bólingen, - deidi Jetisý oblysynyń aýyl sharýashylyǵy basqarmasynyń basshysy Nurdáýlet Kenenbaev.
Atap ótsek, biyl óńirde aýyl sharýashylyǵy daqyldarynyń egis alqaby - 510,7 myń gektar.
