Sessiia aldynda «Rýhani jańǵyrý» baǵdarlamasy aiasynda oblystyq Qazaqstan halqy Assambleiasy janyndaǵy Qoǵamdyq kelisim keńesi jáne Qazaqstannyń Reseidegi elshiliginiń yqpalymen Máskeý qalasynan elimizge jetkizilgen aqyn Sara Tastanbekqyzynyń qoldan salynǵan sýretteri, qundy jádigerlerimen tarihi qujattarynan kórme uiymdastyryldy.
Kirispe sózinde oblys ákimi A. Batalov Elbasynyń «Bolashaqqa baǵdar: rýhani jańǵyrý» maqalasy men «Qazaqstan halqy Assambleiasynyń 2050 jylǵa deiingi tujyrymdamasy» birqatar jańa aýqymdy mindetter júktep otyrǵanyna toqtaldy. Bul oraida óńirdegi etnomádeni birlestikter men basqa da qoǵamdyq uiymdardyń róli men mańyzy zor ekenin atap ótti.
Jiynda oblystyq QHA tóraǵasynyń orynbasary Ǵabit Tursynbai «Qoǵamdyq sanany jańǵyrtýdaǵy Almaty oblystyq Qazaqstan halqy Assambleiasy jumysynyń negizgi baǵyttary» degen taqyrypta baiandama jasady.
Qazirgi kezde oblysta 627 qoǵamdyq kelisim keńesi, onda 4208adam jumys jasaidy. Qaiyrymdylyq jasaýshylar men metsenattar bazasy qalyptastyrylyp, onyń quramyna 301 adam kirdi. Osy jyl ishinde1 936 qaiyrymdylyq aktsiialary ótkizilip, 60 myńturǵynǵa 274 million teńgeden astam somaǵa qaiyrymdylyq kórsetildi.
Sol siiaqtysessiiada QR eńbek sińirgen mádeniet qyzmetkeri, aitys aqyny Nadejda Lýshnikova, taldyqorǵandyq «Vidergebýrg» nemister qoǵamynyń belsendisi Evgenii Eremenko, QHA múshesi, Eńbekshiqazaq aýdandyq qoǵamdyq kelisim keńesiniń múshesi, oblystyq orys ortalyǵynyń ókili Oksana Bondarenko,oblystyq ishki saiasat basqarmasynyń basshysy Rýstam Alpysbaev jáne basqa da azamattar sóz aldy.
Sondai-aq osy basqosýda oblystyq QHA tóraǵasynyń Zań boiynsha eki jyl saiyn jańadan sailanatyn eki qoǵamdyq orynbasarlary tanystyryldy. Olar – Ile aýdandyq kúrd mádeni ortalyǵynyń tóraiymy Saida Chatýeva men oblystyq Assambleia janyndaǵy jýrnalister klýbynyń jetekshisi Atsalim Idigov.
– Jyldy jaqsy kórsetkishtermen aiaqtap otyrmyz. Bul oraida etnobirlestikterdiń de qosqan úlesi zor. Áleýmettik máselelerdi sheshýge, «Týǵan jer» baǵdarlamasyn júzege asyrýǵa atsalysqan birlestik músheleriniń barlyǵyna da rizashylyǵymdy bildiremin. Osy jumystardy biz aldaǵy jyly da jalǵastyryp, árbir aýylda Assambleianyń, qoǵamdyq kelisim keńesteriniń músheleri, mediatorlar jumys jasaityn «Qoǵamdyq kelisim kabinetterin» ashýǵa tiispiz. Qoǵamdyq kelisim keńesterine turǵyndardy tartýdyjáne «Rýhani jańǵyrý» baǵdarlamasyn júzege asyrýǵa qoǵamdyq kelisim keńesterin qatystyrýdyjandandyrý qajet. Latyn grafigine kóshý isin de júieli uiymdastyrýymyz kerek, – dedi óz sózinde A. Batalov. Kópshilikti Jańa jylymen quttyqtaǵan oblys basshysy sessiia sońyndabirqatar azamattarǵa marapattar tapsyrdy.
Almaty oblysy ákiminiń baspasóz qyzmeti.
