Jetisý oblysy Ekonomika jáne biýdjettik josparlaý basqarmasynyń derekterine súiensek, óńirde agrarlyq salany memlekettik qoldaý baǵytynda júieli sharalar qabyldanýda.
Sonyń arqasynda biyl aýyl sharýashylyǵy daqyldarynyń alqaby 1,9 myń gektarǵa ulǵaiyp, 519,2 myń gektardy qurady. Sonyń ishinde qant qyzylshasy 2 myń gektarǵa (shamamen 8,8 myń gektar), kókónis (7,5 myń gektar) pen jemshóp daqyldarynyń (85,9 myń gektar) árqaisysy 0,3 myń gektarǵa, dándik júgeri 12 myń gektarǵa (56,9 myń gektar) artqan.
Jalpy, osy jyly 861,5 myń tonna astyq, 301,2 myń tonna júgeri, 207,4 myń tonna maily daqyldar, 246,7 myń tonna kartop, 235,3 myń tonna kókónis daqyldary, 370 myń tonna qant qyzylshasyn jinaý josparlanyp otyr.
2023 jyly shamamen 62,7 myń tonnaǵa jýyq qant óndiriledi dep kútilýde. Bul oblys qajettiligin tolyq jaýyp qana qoimai, ónimdi elimizdiń ózge óńirlerine shyǵarýǵa da múmkindik beredi.
Sondai-aq, «Aýyl amanaty» baǵdarlamasy aiasynda aýyl halqynyń tabysyn arttyrý úshin shaǵyn nesielendirýge osy jyly respýblikalyq biýdjetten 3,2 mlrd.teńge bólinýde.
Jalpy 7 aidyń qorytyndysy boiynsha Jetisý ekonomikasynyń barlyq negizgi salalarynda ósim baiqalady, máselen aýyl sharýashylyǵyndaǵy ósim 1,4% (137,2 mlrd teńge).
