Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Jetisýda 3 aýysymdy oqytýdy joiý úshin 17 mekteptiń qurylysy júrip jatyr

Dalanews
Jetisýda 3 aýysymdy oqytýdy joiý úshin 17 mekteptiń qurylysy júrip jatyr
Biyl Almaty oblysynda 32 bilim berý nysanynyń, atap aitqanda 24 jalpy bilim beretin mekteptiń, 1 óner mektebiniń, 4 stýdentterge arnalǵan jataqhananyń qurylysy jáne 3 balabaqshada qaita jańǵyrtý jumystary júrgizilýde, – dep habarlaidy Almaty oblysy ákiminiń baspasóz qyzmeti.

Óńirde 3 aýysymda oqytýdy joiý úshin 17 mekteptiń qurylysy júrgizilýde, onyń ishinde biylǵy jyly 10 500 oqýshyǵa arnalǵan 10 mekteptiń qurylysy aiaqtalady. Qalǵan 7-eýi 2021 jyly tapsyrylmaqshy. Sondai-aq 16 mektep qurylysynyń jobalyq-smetalyq qujattamasy ázirlenýde.

Eski mektepter máselesin sheshý úshin Qarasai aýdany Áitei aýylynda 1200 oryndyq orta mektep salynyp, paidalanýǵa berildi, oǵan 3,4 mlrd teńge bólindi. Sonymen qatar, Kerbulaq aýdany Qosaǵash aýylynda 80 oryndyq orta mekteptiń qurylysy júrgizilýde, oǵan jergilikti biýdjetten 657,5 mln teńge qarastyrylǵan. Al Panfilov aýdany Aqqudyq aýylynda 120 oryndyq orta mekteptiń qurylysy jalǵasýda, osy maqsatqa biýdjetten 831,1 mln teńge bólingen bolatyn. Bul – qurylysy 2021 jyly da jalǵasatyn nysan.

Sonymen qatar, beiimdelgen mektepterdiń problemalaryn sheshý úshin 57 mektep qurylysynyń 5 jyldyq qadamdyq jospary ázirlendi. 2019 jylǵy josparǵa sáikes 3 mekteptiń qurylysy bastaldy, bul jumystar biyl aiaqtalady.

Olar – Kerbulaq aýdanyndaǵy Qosaǵash, Kóksý aýdanyndaǵy Qyzyltoǵan, Eskeldi aýdanynyń Abai aýyldaryndaǵy sáikesinshe 80, 120, 180 oryndyq orta mektepteri. Sonymen qatar, 12 mekteptiń qurylysyna JSQ ázirlenýde, onyń ishinde Aqsý – 3, Panfilov, Sarqan, Kóksý – 2-den, Eńbekshiqazaq, Qaratal aýdandarynda – 1-den. Osy nysandardyń qurylysy 2020-2023 jyldarǵa josparlanǵan.


Jóndeý jumystary jaiynda aitsaq, oblysta 55 bilim berý nysanynda kúrdeli jóndeý jumystary júrgizilýde. Bul –  42 mektep, 5 balabaqsha, 2 kolledj, 1 OÓK, sondai-aq 5 mekteptiń aýmaǵyn abattandyrý. Bul maqsatqa biýdjetten 23,9 mlrd teńge bólindi, onyń 21,5 mlrd. teńgesi – respýblikalyq biýdjetten, 2,4 mlrd. teńgesi – jergilikti biýdjetten.

Budan basqa, «Aýyl – el besigi» baǵdarlamasy boiynsha 10 obektige (8 mektep, 1 balabaqsha, 1 OÓK) kúrdeli jóndeý júrgizilýde, 4,9 mlrd teńge (RB-4,5 mlrd teńge, JB – 451, 842 mln teńge), al «Jumyspen qamtý jol kartasy» baǵdarlamasy boiynsha 37 bilim berý nysanyna (2 balabaqsha, 28 mektep, 2 kolledj jáne 5 mekteptiń aýmaqtaryn abattandyrý) 16,9 mlrd teńge  bólindi. Sondai-aq, osy baǵdarlama boiynsha 1,4 mlrd teńge somasyna 354 bilim berý nysanyna aǵymdaǵy jóndeý jumystary júrgizilýde, onyń ishinde 348 mektep dárethanalaryna aǵymdaǵy jóndeý jumystary júrgizilip jatyr.

Taǵy bir mańyzdy másele, stýdenttik jataqhanalar salý. «Elbasynyń 5 áleýmettik bastamasy» aiasynda Almaty oblysynda JOO men 8 kolledjge arnalǵan 1718 oryndyq 9 jataqhana salý josparlanǵan. Biylǵy jyly 818 oryndyq 4 jataqhana salynady, oǵan oblystyq biýdjetten 4,4 mlrd teńge bólindi.

2021-2022 jyldary oblystyń kolledjderi úshin 900 oryndyq 5 jataqhana salý josparlanýda. Osy kezeńde jobalyq-smetalyq qujattama ázirlenýde, oǵan 16,0 mln teńge bólindi.


Oblys boiynsha aiaqtalǵan oqý jylynda mektebi joq 69 eldi mekende 4200-den astam oqýshyny kún saiyn tasymaldaý uiymdastyryldy. Tasymaldaýdy 61 avtobýs júzege asyrady. Biyl jergilikti biýdjetten taǵy 70 zamanaýi avtobýs satyp alý úshin 933 mln. teńge bólindi.
balabaqsha bilim mektep Eńbekshiqazaq Almaty oblysy Qaratal Panfilov Kóksý Sarqan Madina Sádýaqasova

Oqi otyryńyz