ٶڭٸردە 3 اۋىسىمدا وقىتۋدى جويۋ ٷشٸن 17 مەكتەپتٸڭ قۇرىلىسى جٷرگٸزٸلۋدە, ونىڭ ٸشٸندە بيىلعى جىلى 10 500 وقۋشىعا ارنالعان 10 مەكتەپتٸڭ قۇرىلىسى اياقتالادى. قالعان 7-ەۋٸ 2021 جىلى تاپسىرىلماقشى. سونداي-اق 16 مەكتەپ قۇرىلىسىنىڭ جوبالىق-سمەتالىق قۇجاتتاماسى ەزٸرلەنۋدە.
ەسكٸ مەكتەپتەر مەسەلەسٸن شەشۋ ٷشٸن قاراساي اۋدانى ەيتەي اۋىلىندا 1200 ورىندىق ورتا مەكتەپ سالىنىپ, پايدالانۋعا بەرٸلدٸ, وعان 3,4 ملرد تەڭگە بٶلٸندٸ. سونىمەن قاتار, كەربۇلاق اۋدانى قوساعاش اۋىلىندا 80 ورىندىق ورتا مەكتەپتٸڭ قۇرىلىسى جٷرگٸزٸلۋدە, وعان جەرگٸلٸكتٸ بيۋدجەتتەن 657,5 ملن تەڭگە قاراستىرىلعان. ال پانفيلوۆ اۋدانى اققۇدىق اۋىلىندا 120 ورىندىق ورتا مەكتەپتٸڭ قۇرىلىسى جالعاسۋدا, وسى ماقساتقا بيۋدجەتتەن 831,1 ملن تەڭگە بٶلٸنگەن بولاتىن. بۇل – قۇرىلىسى 2021 جىلى دا جالعاساتىن نىسان.
سونىمەن قاتار, بەيٸمدەلگەن مەكتەپتەردٸڭ پروبلەمالارىن شەشۋ ٷشٸن 57 مەكتەپ قۇرىلىسىنىڭ 5 جىلدىق قادامدىق جوسپارى ەزٸرلەندٸ. 2019 جىلعى جوسپارعا سەيكەس 3 مەكتەپتٸڭ قۇرىلىسى باستالدى, بۇل جۇمىستار بيىل اياقتالادى.
ولار – كەربۇلاق اۋدانىنداعى قوساعاش, كٶكسۋ اۋدانىنداعى قىزىلتوعان, ەسكەلدٸ اۋدانىنىڭ اباي اۋىلدارىنداعى سەيكەسٸنشە 80, 120, 180 ورىندىق ورتا مەكتەپتەرٸ. سونىمەن قاتار, 12 مەكتەپتٸڭ قۇرىلىسىنا جسق ەزٸرلەنۋدە, ونىڭ ٸشٸندە اقسۋ – 3, پانفيلوۆ, سارقان, كٶكسۋ – 2-دەن, ەڭبەكشٸقازاق, قاراتال اۋداندارىندا – 1-دەن. وسى نىسانداردىڭ قۇرىلىسى 2020-2023 جىلدارعا جوسپارلانعان.
جٶندەۋ جۇمىستارى جايىندا ايتساق, وبلىستا 55 بٸلٸم بەرۋ نىسانىندا كٷردەلٸ جٶندەۋ جۇمىستارى جٷرگٸزٸلۋدە. بۇل – 42 مەكتەپ, 5 بالاباقشا, 2 كوللەدج, 1 وٶك, سونداي-اق 5 مەكتەپتٸڭ اۋماعىن اباتتاندىرۋ. بۇل ماقساتقا بيۋدجەتتەن 23,9 ملرد تەڭگە بٶلٸندٸ, ونىڭ 21,5 ملرد. تەڭگەسٸ – رەسپۋبليكالىق بيۋدجەتتەن, 2,4 ملرد. تەڭگەسٸ – جەرگٸلٸكتٸ بيۋدجەتتەن.
تاعى بٸر ماڭىزدى مەسەلە, ستۋدەنتتٸك جاتاقحانالار سالۋ. «ەلباسىنىڭ 5 ەلەۋمەتتٸك باستاماسى» اياسىندا الماتى وبلىسىندا جوو مەن 8 كوللەدجگە ارنالعان 1718 ورىندىق 9 جاتاقحانا سالۋ جوسپارلانعان. بيىلعى جىلى 818 ورىندىق 4 جاتاقحانا سالىنادى, وعان وبلىستىق بيۋدجەتتەن 4,4 ملرد تەڭگە بٶلٸندٸ.
2021-2022 جىلدارى وبلىستىڭ كوللەدجدەرٸ ٷشٸن 900 ورىندىق 5 جاتاقحانا سالۋ جوسپارلانۋدا. وسى كەزەڭدە جوبالىق-سمەتالىق قۇجاتتاما ەزٸرلەنۋدە, وعان 16,0 ملن تەڭگە بٶلٸندٸ.
وبلىس بويىنشا اياقتالعان وقۋ جىلىندا مەكتەبٸ جوق 69 ەلدٸ مەكەندە 4200-دەن استام وقۋشىنى كٷن سايىن تاسىمالداۋ ۇيىمداستىرىلدى. تاسىمالداۋدى 61 اۆتوبۋس جٷزەگە اسىرادى. بيىل جەرگٸلٸكتٸ بيۋدجەتتەن تاعى 70 زاماناۋي اۆتوبۋس ساتىپ الۋ ٷشٸن 933 ملن. تەڭگە بٶلٸندٸ.
