Shyǵarmashylyq shara jarty ǵasyrdan astam ýaqyt «Habar» telearnasynda eleýli eńbek etip, kógildir ekran arqyly jańalyqtarǵa jarshy bolyp, Jetisý jurtynyń muńyn muńdap, joǵyn joqtaǵan ardager jýrnalist Tileýqabyl Úsenulynyń qurmetti demalysqa shyǵýyna orai uiymdastyrylǵan.
Sondai-aq ardager jýrnalistiń jaqynda ǵana jaryq kórgen «Habar-aǵa» jáne onyń qaljyńdary» atty jańa kitabynyń tusaýy kesildi. Basylymǵa avtordyń el aýzynda jurgen ázil áńgimeleri men úzeńgiles dostarynyń, shákirtteriniń Tileýqabyl jaily oi tolǵamdary engizilgen.
Telejýrnalistikanyń tarlany Tileýqabyl Myńjasardyń televiziia salasynda eńbek etip, ter tókkenine biyl 44 jyl. Sonyń 21 jylynda Almaty oblysynda menshikti tilshi bolyp, 10 myńnan astam siýjet jasaǵan.
Jetisý jerine «Habar-aǵa» bolyp tanylǵan belgili tilshi Qazaqstan Respýblikasy Prezidenti Grantynyń iegeri, Qazaqstan Jýrnalister odaǵy men «Nursuńqar» syilyqtarynyń laýreaty, Almaty oblysynyń Qurmetti azamaty ataǵyna da ie bolǵan.
Kesh barysynda «Habar» agenttigi Almaty filialynyń shef-redaktory Qymbat Hangeldi QR Aqparat jáne qoǵamdyq damý ministri Dáýren Abaidyń arnaiy «Alǵys hatyn» tapsyrdy.
Óz kezeginde sóz alǵan Tileýqabyl Úsenuly:
«Mineki, 25 jyldai «Habar» agenttigine aianbai qyzmet jasadym. «Habardy» tanytýǵa atsalystym. Al «Habar» maǵan úlken abyroi áperdi. Endi mine, ózimniń qyzmettik mindetimdi aiaqtap jatqan tusta osy elge bir raqmetimdi aityp, halyqpen qaýyshyp, pikir almasyp, áńgimeleseiik degen nietpen osy kezdesýdi uiymdastyryp otyrmyz. Sondyqtan men bul keshtiń atyn «Jetisý – júregimde» dep ataýdy jón kórdim», dep alǵysyn bildirdi.
Aita ketý kerek, shyǵarmashylyq kesh Almaty oblysy ákimdiginiń qoldaýymen uiymdastyrylǵan.
Baljan JUMANBEKOVA
