Elimizdiń qoǵamdyq-saiasi ómirindegi mańyzdy oqiǵalardyń biri – jańa Konstitýtsiia jobasy boiynsha ótken referendým. Osy mańyzdy saiasi naýqan aiasynda Iliias Jansúgirov atyndaǵy Jetisý ýniversitetinde ornalasqan №394 sailaý ýchaskesinde daýys berý belsendi ári joǵary deńgeide ótti. Ýniversitettiń professorlyq-oqytýshylar quramy, qyzmetkerleri men stýdent jastary azamattyq jaýapkershilik tanytyp, el bolashaǵyna qatysty óz tańdaýlaryn jasaýǵa belsendi qatysty, dep habarlaidy Dalanews.kz.
Atalǵan sailaý ýchaskesinde ýniversitet ujymy erekshe úlgi kórsetti. Bul kúni 100-den asa professor-oqytýshylar quramy men stýdentter ulttyq kiim kiip kelip, daýys berdi. Ulttyq kiimmen daýys berý – halqymyzdyń mádenieti men salt-dástúrin dáripteýdiń, ulttyq biregeilikti saqtaýdyń jáne qoǵamdyq-saiasi ómirge ulttyq rýhpen qatysýdyń jarqyn kórinisi boldy. Mundai bastama tek azamattyq belsendilikti ǵana emes, sonymen qatar jastardyń ulttyq qundylyqtarǵa degen qurmetin aiqyndai tústi.
Referendýmǵa Iliias Jansúgirov atyndaǵy Jetisý ýniversitetiniń Basqarma tóraǵasy – Rektor Bóribaev Ermek Ábiltaiuly da qatysyp, №394 sailaý ýchaskesinde óz daýysyn berdi. Rektor óz sózinde referendýmnyń memleket damýy úshin erekshe mańyzǵa ie ekenin atap ótti. Onyń aitýynsha, Konstitýtsiia – el damýynyń strategiialyq baǵytyn aiqyndaityn, qoǵamdaǵy ádilettilik pen zań ústemdigin qamtamasyz etetin negizgi quqyqtyq qujat. Sondyqtan mundai mańyzdy tarihi sátte árbir azamattyń belsendilik tanytýy – memleket aldyndaǵy jaýapkershiliktiń kórinisi.
Sonymen qatar ýniversitet rektory jastardyń azamattyq sanasyn qalyptastyrýda mundai saiasi naýqandardyń mańyzy zor ekenin atap ótti. Bilim ordalary tek bilim berip qana qoimai, sonymen birge jaýapty, belsendi jáne el bolashaǵyna beijai qaramaityn azamattardy tárbieleýde mańyzdy ról atqarady.
Daýys berý kúni ýniversitet aýmaǵynda erekshe atmosfera qalyptasty. Ulttyq kiimmen kelgen oqytýshylar men stýdentter referendým ýchaskesine kóterińki kóńil kúimen kelip, eldiń bolashaǵyna qatysty mańyzdy sheshim qabyldaý úderisine belsendi qatysty. Bul kórinis ýniversitet ujymynyń azamattyq ustanymy men ulttyq qundylyqtarǵa degen qurmetin aiqyn kórsetti.
Iliias Jansúgirov atyndaǵy Jetisý ýniversitetiniń ujymy referendýmǵa belsendi qatysý arqyly qoǵamdaǵy mańyzdy saiasi úderisterge beijai qaramaitynyn kórsetti. Ýniversitet ujymy men stýdent jastarynyń ulttyq kiimmen daýys berýi – ulttyq rýhty dáripteýdiń jáne el bolashaǵyna degen ortaq jaýapkershiliktiń jarqyn úlgisi boldy.
Osylaisha, №394 sailaý ýchaskesinde ótken daýys berý tek saiasi oqiǵa ǵana emes, sonymen birge ulttyq birlik pen azamattyq jaýapkershiliktiń aiqyn kórinisine ainaldy. Jetisý ýniversitetiniń ujymy eldiń turaqty damýy men jarqyn bolashaǵy úshin óz tańdaýyn jasap, qoǵamǵa úlgi kórsetti.
