2025 jylǵy 14-25 jeltoqsan aralyǵynda I. Jansúgirov atyndaǵy Jetisý ýniversiteti Tarih jáne áleýmettik-gýmanitarlyq pánder kafedrasynyń qaýymdastyrylǵan professory, tarih ǵylymdarynyń kandidaty Baiǵabatova Nazgúl Qajymuratqyzy jáne oqytýshy-dárisker, filosofiia doktory (PhD) Abdrahim Miras Erkinuly Ulybritaniianyń Oksford ýniversitetinde ǵylymi taǵylymdamadan ótýde, dep habarlaidy Dalanews.kz.
Bul issapar Qazaqstan Respýblikasy Ǵylym jáne joǵary bilim ministrligi Ǵylym komiteti qarjylandyratyn JTN AP26197965 «Postkeńestik Qazaqstandaǵy etnikalyq repatrianttardyń kúndelikti ómiri: beiimdelý strategiialary men integratsiialyq tájiribeleri (Jetisý oblysynyń mysalynda)» ǵylymi jobasy aiasynda júzege asyrylýda.
Taǵylymdama barysynda Oksford ýniversitetiniń jetekshi ǵalymdarymen ǵylymi keńes alý jumystary júrgizildi. Atap aitqanda, professor Aleksander Morrisonmen zertteý máselesiniń tarihi konteksi men salystyrmaly-tarihi taldaý baǵyttary boiynsha pikir almasý oryn aldy. Ýniversitetke qarasty Kóshi-qon, saiasat jáne qoǵamdy zertteý ortalyǵynyń (COMPAS) professory Medlin Rivz zamanaýi migratsiialyq protsester jáne repatriatsiianyń teoriialyq modelderin taldaý boiynsha keńester berdi.
Sondai-aq Jetisý ǵalymdary Oksford ýniversitetiniń Bodlian kitaphanasynda joba taqyrybyna qatysty sheteldik sońǵy ǵylymi jariialanymdar, teoriialyq-ádistemelik tásilder men tujyrymdar boiynsha materialdar jinaqtaý jumystaryn júrgizýde.
