Jasandy intellekt – tek tehnologiialyq jańalyq emes, ol bilim men ǵylym salasynyń damýyna serpin beretin jańa baǵyt. «AI Sana» baǵdarlamasy bilim berý júiesi men ǵylym salasyn tsifrlyq transformatsiialaý jolynda mańyzdy ról atqaryp, elimizdiń tehnologiialyq damýyna úles qosatyn jas mamandardy daiyndaýǵa zor múmkindik beredi, dep habarlaidy Dalanews.kz.
Iliias Jansúgirov atyndaǵy Jetisý ýniversitetinde stýdentter arasynda «AI SANA CONTEST: WE LEARN, CREATE, CHANGE THE FUTURE» atty respýblikalyq baiqaý uiymdastyryldy. Baiqaý bilim alýshylardyń jasandy intellekt quraldaryn shyǵarmashylyq jáne tehnikalyq turǵyda qoldaný daǵdylaryn damytýǵa baǵyttaldy.
«Baiqaýdyń negizgi maqsaty – jasandy intellekt múmkindikterin keńinen nasihattaý, qysqa beinerolikter formatyndaǵy avtorlyq jobalardy qoldaý, sondai-aq vizýaldy jáne dybystyq kontent jasaýdaǵy JI áleýetin kórsetý. Baiqaýǵa ótinim qabyldaý 2026 jylǵy 18 qańtarda bastaldy. Bilim alýshylardan barlyǵy 62 ótinim kelip tústi. Jalpy, stýdentterdiń shyǵarmashylyq jáne tehnologiialyq áleýeti joǵary ekeni dodada aiqyn kórindi», – deidi baiqaý komissiiasynyń tóraǵasy, Tsifrlandyrý jáne strategiialyq damý jónindegi prorektor Timýr Jumaǵulov.
Stýdentter kózimen bolashaqty aiqyndaityn baiqaý «Úzdik sahnalyq siýjet», «Úzdik vizýaldy generatsiia», «Úzdik dybystyq/mýzykalyq kompozitsiia» atty úsh nominatsiia boiynsha ótti. Tórelik etken qazylar alqasynyń quramynda Taldyqorǵan joǵary politehnikalyq kolledjiniń direktory Shyńǵys Nurǵojaev, Tsifrlandyrý jáne tehnikalyq qamtamasyz etý departamenti direktorynyń mindetin atqarýshy Dáýlet Batyrbekov, Jasandy intellekt jáne virtýaldy shyndyq zerthanasynyń meńgerýshisi Qydyráli Ahmet, Protsesterdi tsifrlandyrý jáne avtomattandyrý bóliminiń basshysy mindetin atqarýshy Jailaý Erasyl, Fizika jáne matematika kafedrasynyń oqytýshy-lektory Jalǵas Ahmetov, Aqparattyq tehnologiialar jáne jasandy intellekt kafedrasynyń oqytýshy-lektory Ásel Orazbaeva, Shyǵarmashylyq bilim berý kafedrasynyń oqytýshy-assistenti Arslan Barakov boldy.
«Úzdik sahnalyq siýjet» nominatsiiasy boiynsha júldeli I oryndy Músilim Aimara, II oryndy Laýra Baibatyrova, III oryndy Ten Viktoriia ielendi.
«Úzdik vizýaldy generatsiia» nominatsiiasy boiynsha I oryndy Amangeldi Rahat, II oryndy Esimbek Roksana, III oryndy Erǵali Áli jeńip aldy.
«Úzdik dybystyq (mýzykalyq) kompozitsiia» nominatsiiasynda I orynǵa Ásethan Nurasyl Ádiluly, II orynǵa Baqytjanqyzy Arýjan, III orynǵa Ejelev Maksim ie boldy.
«Qazirgi ýaqytta álemdi jasandy intellektsiz elestetý qiyn. Biz ChatGPT, DALL·E, Midjourney, Runway jáne ElevenLabs siiaqty neirojelilerdi paidalana otyryp, bolashaqta Jetisý óńirinde týrizmdi qalai damytýǵa bolatynyn jáne týǵan jerimizdiń keleshek kelbetin kórsettik», – deidi konkýrsqa qatysýshy Aimara Músilim.
Atalǵan baiqaý stýdentterdiń shyǵarmashylyq áleýetin arttyryp qana qoimai, jasandy intellekt salasyndaǵy bilimderi men tájiribelerin shyńdaýǵa, sondai-aq bolashaq tsifrlyq qoǵamǵa beiim maman qalyptastyrýǵa yqpal etedi, – deidi uiymdastyrýshylar.
