2026 jylǵy 6 aqpanda I. Jansúgirov atyndaǵy Jetisý ýniversitetinde túlekterdi kásibi qoldaý maqsatynda «Tsifrlyq bilim berý aiasynda jasandy intellekt platformalaryn qoldaný» taqyrybynda seminar ótti. Is-sharany Mansap jáne jumysqa ornalastyrý ortalyǵy men Fizika-matematika fakýlteti uiymdastyrdy, dep habarlaidy Dalanews.kz.
Seminarǵa Jetisý oblysyndaǵy tehnikalyq, kásiptik jáne jalpy bilim berý uiymdarynan 200-ge jýyq túlek qatysty.
Is-shara barysynda qatysýshylar jasandy intellekt tehnologiialaryn bilim berý úderisinde qoldaný joldaryn, tsifrlyq platformalarmen jumys isteý ádisterin jáne bilim berý salasyndaǵy zamanaýi innovatsiialyq tásilderdi meńgerdi.
Fizika-matematika fakýltetiniń «Informatika jáne bilimdi tsifrlandyrý» kafedrasynyń oqytýshy-dáriskerleri Gýlmira Kasteeva men Aijan Adambekova, sondai-aq «Aqparattyq tehnologiialar jáne jasandy intellekt» kafedrasynyń PhD dárejeli oqytýshysy Rima Abdýalieva seminar spikerleri boldy.
Is-shara sońynda barlyq qatysýshylarǵa sertifikattar tabystaldy. Ýniversitet túlekterin qoldaýǵa baǵyttalǵan mundai is-sharalar aldaǵy ýaqytta da jalǵasyn tabady.
