2026 جىلعى 6 اقپاندا ءى. جانسۇگىروۆ اتىنداعى جەتىسۋ ۋنيۆەرسيتەتىندە تۇلەكتەردى كاسىبي قولداۋ ماقساتىندا «سيفرلىق ءبىلىم بەرۋ اياسىندا جاساندى ينتەللەكت پلاتفورمالارىن قولدانۋ» تاقىرىبىندا سەمينار ءوتتى. ءىس-شارانى مانساپ جانە جۇمىسقا ورنالاستىرۋ ورتالىعى مەن فيزيكا-ماتەماتيكا فاكۋلتەتى ۇيىمداستىردى، دەپ حابارلايدى Dalanews.kz.
سەمينارعا جەتىسۋ وبلىسىنداعى تەحنيكالىق، كاسىپتىك جانە جالپى ءبىلىم بەرۋ ۇيىمدارىنان 200-گە جۋىق تۇلەك قاتىستى.
ءىس-شارا بارىسىندا قاتىسۋشىلار جاساندى ينتەللەكت تەحنولوگيالارىن ءبىلىم بەرۋ ۇدەرىسىندە قولدانۋ جولدارىن، سيفرلىق پلاتفورمالارمەن جۇمىس ىستەۋ ادىستەرىن جانە ءبىلىم بەرۋ سالاسىنداعى زاماناۋي يننوۆاسيالىق تاسىلدەردى مەڭگەردى.
فيزيكا-ماتەماتيكا فاكۋلتەتىنىڭ «ينفورماتيكا جانە ءبىلىمدى سيفرلاندىرۋ» كافەدراسىنىڭ وقىتۋشى-دارىسكەرلەرى گۋلميرا كاستەيەۆا مەن ايجان ادامبەكوۆا، سونداي-اق «اقپاراتتىق تەحنولوگيالار جانە جاساندى ينتەللەكت» كافەدراسىنىڭ PhD دارەجەلى وقىتۋشىسى ريما ابدۋالييەۆا سەمينار سپيكەرلەرى بولدى.
ءىس-شارا سوڭىندا بارلىق قاتىسۋشىلارعا سەرتيفيكاتتار تابىستالدى. ۋنيۆەرسيتەت تۇلەكتەرىن قولداۋعا باعىتتالعان مۇنداي ءىس-شارالار الداعى ۋاقىتتا دا جالعاسىن تابادى.
