Búgin Iliias Jansúgirov atyndaǵy Jetisý ýniversitetinde «Taza Qazaqstan» ekologiialyq aktsiiasy aiasynda stýdentter arasynda «Jasyl hakaton – 2026» ekologiialyq innovatsiialyq ideialar baiqaýy ótti. Dástúrli túrde uiymdastyrylatyn bul baiqaý jastardyń qorshaǵan ortany qorǵaýǵa baǵyttalǵan tyń jobalaryn qoldaýdy maqsat etedi, dep habarlaidy Dalanews.kz.
Tabiǵatty qorǵaý, ekologiialyq mádenietti qalyptastyrý, qaldyqtardy suryptaý jáne qaita óńdeý, sondai-aq smart-ekologiialyq sheshimder – búgingi kúnniń eń ózekti máseleleriniń biri. Eldegi ekologiialyq problemalardy sheshý joldaryn usyný – ǵalamdyq deńgeidegi mańyzdy mindetterdiń qatarynda. Osy oraida ótken baiqaý stýdentterdiń belsendiligin arttyryp, ekologiialyq jaýapkershilikti nyǵaitýǵa baǵyttaldy.
Hakatonǵa «Grin saikl», «Ekobelens», «Ekoloý», «Star», Jansúgirov kolledjiniń komandasy, «Grin hakers», «Baioýoll tim», «Vorld destroier», «Jasyl bilim», «Ekodizain», «Ekobenk», «Kvantým lip», «ThePlastiCycle» syndy barlyǵy 13 komanda qatysyp, óz jobalaryn qorǵady.
Is-sharanyń ashylý saltanatynda sóz sóilegen Áleýmettik jumys jáne jastar saiasaty jónindegi prorektor Bolat Seriev elimizdiń bolashaǵy tabiǵatqa janashyr, ekologiialyq sanasy joǵary jastardyń qolynda ekenin atap ótti. Ol Memleket basshysy Qasym-Jomart Toqaevtyń Ulttyq quryltaidyń besinshi otyrysynda aitqan «Taza Qazaqstan» bastamasyna toqtalyp, bul aktsiianyń ulttyq ideologiianyń ajyramas bóligine ainalǵanyn jáne oǵan belsene qatysý jasampaz otanshyldyqtyń kórinisi ekenin aitty.
Baiqaý jumysyna qazylyq etkender qatarynda Jaratylystaný-tehnikalyq fakýltetiniń dekany, tehnika ǵylymdarynyń doktory Erlan Andasbaev, Jetisý oblysy boiynsha Ekologiia departamenti basshysynyń orynbasary Azamat Taýyrbekov, Jastar saiasaty jáne áleýmettik damý bóliminiń psihology Gýlnara Islamjanova, Ekologiia jáne aýylsharýashylyq ǵylymdar kafedrasynyń meńgerýshisi Jambyl Qanaǵatov, Protsesterdi tsifrlandyrý jáne avtomattandyrý bóliminiń injener-baǵdarlamashysy Arlan Kereibaev boldy.
Usynylǵan jobalar qaldyqtardy suryptaý jáne qaita óńdeý, aqyldy qoqys jáshikteri, ekobaqylaý júieleri, energiia tiimdiligi men jańartylatyn energiia kózderin paidalaný, ekologiialyq bilim berý jáne tsifrlyq sheshimder baǵyttaryn qamtydy.
Baiqaý qorytyndysy boiynsha I oryndy «Vorld destroier» komandasy ielense, II oryn «Star» komandasyna, III oryn «Kvantým lip» komandasyna buiyrdy. Jeńimpazdar men belsendi qatysýshylar baǵaly syilyqtarmen marapattaldy.
Jer planetasy ekologiialyq daǵdarysty bastan keship jatqanda ýniversitet stýdentteri de beijai qaramai, qaldyqtardy qaita óńdeý men kún energiiasyn tiimdi paidalaný siiaqty mańyzdy máselelerge naqty sheshim usyna alatynyn kórsetti. Olardyń tyń ideialary – elimizdiń ekologiialyq qaýipsiz bolashaǵyna qosylǵan súbeli úles boldy.
