Iliias Jansúgirov atyndaǵy Jetisý ýniversitetiniń delegatsiiasy Tashkent memlekettik agrarlyq ýniversiteti, Nizami atyndaǵy Tashkent memlekettik pedagogikalyq jáne «Tashkent International» ýniversitetine arnaiy issaparmen bardy,- dep habarlaidy Dalanews.kz
Bilim berý salasyndaǵy halyqaralyq bailanysty nyǵaitý maqsatynda ýniversitettiń Basqarma tóraǵasy – rektor Ermek Bóribaev ózbekstandyq joǵary oqý oryndarynyń basshylarymen kezdesip, yntymaqtastyq jónindegi Memorandýmǵa qol qoidy.
Eki jaqty kelisim – birlesken bilim berý baǵdarlamalaryn ázirleýge, jobalardy júzege asyrýǵa, ǵylymi zertteýler júrgizýge, professor-oqytýshylar arasynda tájiribe bólisýge, stýdentter men oqytýshylar quramymen almasýǵa, sondai-aq konferentsiialar men seminarlar ótkizýge múmkindik beredi.
«Jetisý oblysynyń aýylsharýashylyǵy men agroónerkásibiniń áleýeti joǵary bolǵandyqtan sala mamandaryn daiarlaý úshin Tashkent memlekettik agrarlyq ýniversitetimen birlese jumys jasaý biz úshin asa mańyzdy. Nizami atyndaǵy Tashkent memlekettik pedagogikalyq ýniversiteti - Aziiadaǵy muǵalimder daiarlaityn tarihy tereń, tájiribeli oqý orny. Jetisý ýniversitetiniń pedagogikalyq baǵyty basym bolǵandyqtan eki ýniversitet arasyndaǵy akademiialyq bailanys joǵary deńgeide damidy dep senemin. Bul qadam oqý oryndary arasyndaǵy bailanysty nyǵaitýdyń kepili bolyp, óńirdegi ǵylym men bilimniń damýyna qýatty serpin bermek» - dedi rektor E. Bóribaev.
Ózbekstandyq ýniversitet rektorlary Nazrýllo Oblomýradov, Abdýgaffor Kirgizbaev jáne Dziýn Iong-ýk bilim berý bailanysyn nyǵaitýǵa, joǵary bilikti kadrlardy birlese daiarlaýǵa daiyn ekendikterin jetkizdi.
Memorandým oblystyń agrarlyq sektoryn damytýǵa qajetti jańa kadrlar jáne joǵary bilikti pedagog mamandardy daiarlaý sapasyn arttyrýǵa jol ashady.
