Jetisý oblysynyń shalǵaidaǵy shekaralyq Alakól aýdanynda 56 eldi mekenniń 48-ine nemese 85,7%-na ortalyqtandyrylǵan aýyz sý júiesi tartylǵan. Máselen, biyl Lepsi aýylyna aýyz sý jelisi tartyla bastaidy. Sonymen qatar osy jyly Qońyr aýylynda sý júiesiniń qurylysy men Terekti aýylynda jańǵyrtýdyń 2-shi kezegi bastalady dep kútilýde, – dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Jetisý oblystyq energetika jáne turǵyn úi kommýnaldyq sharýashylyǵy basqarmasynyń málimetine súiensek, Lepsi aýylyndaǵy 1980 jyldary salynǵan aýyz sý júiesi qazir qoldanysta emes.
– Lepsi aýylyn ortalyqtandyrylǵan sýmen qamtamasyz etý úshin jobalyq-smetalyq qujattama ázirlendi. Jobada 49,4 km sýmen jabdyqtaý jelilerin, 2 sorǵy stantsiiasy men 2 rezervýar, sondai-aq transformatorlyq qosalqy stantsiia, dizeldi elektr stantsiiasyn salý kózdelgen. Búgingi tańda merdiger uiym anyqtaldy. Qurylys-montaj jumystaryn aýdannyń aýa raiy jaǵdaiyn eskere otyryp, sáýir aiynda bastaý josparlanyp otyr, – delingen basqarmanyń habarlamasynda.
Atap ótsek, Alakól aýdanynda ótken jyly Bibaqan aýyly ortalyq aýyz sý júiesine qosylsa, Terekti, Kóktuma, Ekpindi aýyldarynda sý jelisine jańǵyrtý júrgizilgen bolatyn. Sol siiaqty Toqjailaý aýylynda qurylys-montaj jumystary aiaqtaldy, qazir sý júiesin tekserý jáne iske qosý jumystary jumystary jalǵasyp jatyr.
Jalpy Jetisý oblysynda 2025 jyldyń aiaǵyna qarai ortalyqtandyrylǵan sýmen qamtamasyz etilgen eldi mekender sany 331-ge jetedi nemese ortalyq sý júiesimen qamtý deńgeii 92,5% bolady degen jospar bar.
