«Jetisý» radiosy qurylady
Biyl oblystyq «Jetisý» telearnasynyń qurylǵanyna 20 jyl. Merei toi aiasynda kóptegen sharalar josparlanyp otyr. Beisen Quranbek solardyń birazyn tizbektep berdi. Arna tarihynda eń aýqymdy qadam oblystyq radio áýe tolqynyna shyǵady.
«Qazirgi tańda jiilikke baiqaý jariialanyp, nátijesin kútýdemiz» deidi, bas direktor. Osy ýaqytqa deiin birneshe kórkem film túsirip úlgergen shyǵarmashylyq ujym arna janynan kino bólimin ashýdy da josparlap otyr.
Al mereili data mádeni-kópshilik, sporttyq sharalarmen, qaiyrymdylyq aktsiialarymen este qalmaq. Naýryz merekesinde asyq atý, arqan tartý, láńgi tebý syndy ulttyq oiyndardan oblystyq BAQ ókilderi aiasynda jarystar uiymdastyrylady.
Sondai aq respýblikalyq deńgeide fýtboldan týrnir ótedi. Dástúrli ánshilerdiń kontsertin, «Bolmys» tok-shoýynyń qaiyrymdylyq kontsertin ótkizý josparlanǵan. Ár jyldary «Jetisý» telearnasynda eńbek etip, zeinetke shyqqan ardagerlerge qurmet kórsetilip, arna tarihynan syr shertetin kitap jaryqqa shyǵady.
20 jylda «Jetisý» telearnasy kásibi mamandardy daiarlaityn úlken mektepke ainaldy. «Bizdiń «Jetisý» telearnasynyń 20 jyldyǵyn atap ótýdegi maqsat, bul osy jyldar ishinde qol jetkizgen jetistikterimizben, tabystarymyzben, ózimizdiń patsha kóńildi kórermendermen bólisý. Solarmen birge aldyǵa jańa maqsattar, jańa mejelerdi anyqtap, soǵan jetýdiń joldaryn qarastyrý.» -dep atap ótti Beisen Quranbek.
