3 tamyzda Jetisý oblysy Kerbulaq aýdanyna qarasty Saryózek aýylynda tolassyz jaýǵan jańbyrdan keiin 48 aýla, onyń ishinde segiz turǵyn úi sý astynda qaldy, dep habarlaidy Dalanews.kz.
Taýdan jáne sai-saladan aǵylǵan sý aǵyny Quljabai bi kóshesindegi drenaj júiesin buzyp ótip, kóshe boiymen jaiylyp ketken. Sonymen qatar Ýálihanov, Moldaǵulova, Qaisenov jáne Qojaǵulov kósheleri de sý tasqynynan zardap shekti.
Tótenshe jaǵdailar departamentiniń málimetinshe, sý basýdyń basty sebebi – turǵyn úilerdiń irgetasynyń tym tómen ornalasýy. Saǵat 22:10-da sý tolyq sorylyp, zardap shekkender men adam shyǵyny tirkelmedi. Kólik qozǵalysy qalpyna keltirildi. Oqiǵa ornynda qutqarýshylar men ákimdik qyzmetkerleri jumys istedi. Resmi organdar jaǵdai tolyq baqylaýda ekenin aitty.
Alaida aýyl turǵyndary bilikke ókpeli. Olardyń aitýynsha, drenaj júiesi burynnan beri jańbyr sýyn ótkize almai keledi. Qorǵanys infraqurylymynyń joqtyǵy — sheshilmei kele jatqan kúrdeli másele.
Aita keteiik, buǵan deiin, 2024 jyldyń kókteminde Aqtóbe oblysynda sý qoimasy jarylyp, birneshe aýyldy sý basqan bolatyn. Ol kezde 215 adam evakýatsiialandy. Gidrotehnikalyq nysannyń apattyq jaǵdaiǵa jetýine jol bergeni úshin ákimdik qyzmetkeri kináli dep tanylyp, 1,5 jyl bostandyǵyn shekteý jazasyna kesilgen edi. Sol jylǵy tasqyndar sońǵy onjyldyqtaǵy eń aýyr apat retinde tirkelgen.
