Jetisý oblysynda shegirtke tektes ziiankesterge qarsy himiialyq óńdeý jumystary júrgizilýde. Búgingi kúnge mundai ziiankesterdiń oshaqtary 45,0 myń gektarda anyqtalyp, sonyń 36,4 myń gektary nemese 81% óńdeldi, – dep habarlaidy Dalanews.kz
Atap aitqanda, búgingi kúnge óńdelgen kólemniń 14,9 myń gektary aviatsiiamen, 21,1 myń gektary jer ústimen óńdeldi. Sonyń ishinde úiirli jáne úiirsiz shegirtkelerge qarsy himiialyq óńdeý jumystary Aqsý aýdanynda 4680 ga, Alakól aýdanynda 3520 ga, Eskeldi aýdanynda 2402 ga, Qaratal aýdanynda 6480 ga, Kerbulaq aýdanynda 4106 ga, Kóksý aýdanynda 5 100 ga, Panfilov aýdanynda 7330 ga, Sarqan aýdanynda 2350 ga, Taldyqorǵan qalasynda 392 ga jerge júrgizildi.
- Barlyq sharalar qabyldanýda. Tehnika jetkilikti, qajetti preparattar qory bar. Atap aitqanda, bul jumystarǵa 3 jeńil áýe ushaǵy, 3 dron jáne 62 birlik jer ústi búrikkishteri jumyldyryldy. Shegirtkeniń shoǵyrlanǵan jerlerin anyqtaý jumystaryna 204 adam qatysýda, - dedi Jetisý oblysy boiynsha aýmaqtyq inspektsiiasynyń basshysy Máýlen Jumaǵaliev.
Shegirtke tektes ziiankesterge jáne basqa asa qaýipti ziiandy organizmder men karantindi nysandarǵa qarsy kúres uiymdastyrý jónindegi oblystyq jáne aýdandyq shtabtar jumys jasaýda.
Jalpy osy jyly shegirtke tektes ziiankesterge qarsy himiialyq óńdeý jumystaryn 114,8 myń gektar jerde júrgizý josparlanǵan.
