جەتىسۋ وبلىسىندا شەگىرتكە تەكتەس زيانكەستەرگە قارسى حيميالىق وڭدەۋ جۇمىستارى جۇرگىزىلۋدە. بۇگىنگى كۇنگە مۇنداي زيانكەستەردىڭ وشاقتارى 45،0 مىڭ گەكتاردا انىقتالىپ، سونىڭ 36،4 مىڭ گەكتارى نەمەسە 81% وڭدەلدى، – دەپ حابارلايدى Dalanews.kz
اتاپ ايتقاندا، بۇگىنگى كۇنگە وڭدەلگەن كولەمنىڭ 14،9 مىڭ گەكتارى اۆياسيامەن، 21،1 مىڭ گەكتارى جەر ۇستىمەن وڭدەلدى. سونىڭ ىشىندە ءۇيىرلى جانە ءۇيىرسىز شەگىرتكەلەرگە قارسى حيميالىق وڭدەۋ جۇمىستارى اقسۋ اۋدانىندا 4680 گا، الاكول اۋدانىندا 3520 گا، ەسكەلدى اۋدانىندا 2402 گا، قاراتال اۋدانىندا 6480 گا، كەربۇلاق اۋدانىندا 4106 گا، كوكسۋ اۋدانىندا 5 100 گا، پانفيلوۆ اۋدانىندا 7330 گا، سارقان اۋدانىندا 2350 گا، تالدىقورعان قالاسىندا 392 گا جەرگە جۇرگىزىلدى.
- بارلىق شارالار قابىلدانۋدا. تەحنيكا جەتكىلىكتى، قاجەتتى پرەپاراتتار قورى بار. اتاپ ايتقاندا، بۇل جۇمىستارعا 3 جەڭىل اۋە ۇشاعى، 3 درون جانە 62 بىرلىك جەر ءۇستى بۇرىككىشتەرى جۇمىلدىرىلدى. شەگىرتكەنىڭ شوعىرلانعان جەرلەرىن انىقتاۋ جۇمىستارىنا 204 ادام قاتىسۋدا، - دەدى جەتىسۋ وبلىسى بويىنشا اۋماقتىق ينسپەكسياسىنىڭ باسشىسى ماۋلەن جۇماعالييەۆ.
شەگىرتكە تەكتەس زيانكەستەرگە جانە باسقا اسا ءقاۋىپتى زياندى ورگانيزمدەر مەن كارانتيندى نىساندارعا قارسى كۇرەس ۇيىمداستىرۋ جونىندەگى وبلىستىق جانە اۋداندىق شتابتار جۇمىس جاساۋدا.
جالپى وسى جىلى شەگىرتكە تەكتەس زيانكەستەرگە قارسى حيميالىق وڭدەۋ جۇمىستارىن 114،8 مىڭ گەكتار جەردە جۇرگىزۋ جوسپارلانعان.
